21ء-ساۋىر، الماتى قالاسىندا جالپى ءبىلىم بەرەتىن وقۋ ورىندارى وقۋشىلارىنىڭ اراسىندا اۋداندىق «تۇما جىردىڭ تۇمباسى» تاقىرىبىندا تۇمانباي مولداعالييەۆكە ارنالعان جىر ءمۇشايراسى ءوتتى.
ءىس-شاراعا 10 مەكتەپ اتسالىسىپ، جالپى سانى 26 قاتىسۋشىنى قۇراعان دودا تارتىستى ءوتتى.

اتاۋلى بايقاۋ ەكى كەزەڭنەن وتكىزىلىپ، ءبىرىنشى كەزەڭ «جۇرەگىمنىڭ ءسوزى» دەپ اتالىپ اقىننىڭ جىرلارىن مانەرلەپ وقۋ بولىپ تابىلسا، ەكىنشى كەزەڭدە «تۇما جىردىڭ تۇمباسى تۇمانباي-دى» تاقىرىبىمەن ەرەكشەلەنىپ، قاتىسۋشىلار اقىنعا دەگەن وزدەرىنىڭ جۇرەك جاردى ولەڭدەرىن تىڭداۋشىلار نازارىنا ۇسىندى.

تۇمانباي مولداعالييەۆتىڭ ومىرلىك جارى - كۇلتاي قاسىموۆا حانىم دا بۇل مەرەكەگە بەيجاي قاراماي، بايقاۋعا تورەلىك ەتىپ، شىن جۇيرىكتى انىقتاۋعا اتسالىسىپ، جاس اقىندارعا ساتتىلىك تىلەدى.
جالپى ءبىلىم بەرەتىن №40 مەكتەپ ۇيىمداستىرعان ءمۇشايرانى حالىق بانك تا قولدادى. حالىق بانك دوداعا قاتىسقان ءاربىر قاتىسۋشىنى سىيلىقتارمەن قامتاماسىز ەتىپ، سونداي-اق بايقاۋدا مۇشەلىك ەتكەن جالپى ءبىلىم بەرەتىن مەكتەپتەر №63، №81، №92، №93، №62، №137، №146، №191، №190 جانە №40 مەكتەپ كىتاپحاناسىنا تۇمانباي مولداعالييەۆتىڭ 24 تومدىق شىعارمالار جيناعىن سىيعا تارتتى.
ايتا كەتەيىك، حالىق بانك ءبىر جىلدىقتىڭ كولەمىندە تۇمانباي مولداعالييەۆتىڭ 24 تومدىق شىعارمالار جيناعى جارىق كورۋىنە قولداۋ كورسەتكەن بولاتىن.