قازاقستاندا 2016 جىلى اتى، تەگى، اكەسىنىڭ اتىپ اۋىستىرۋ تۋرالى 8 مىڭ اكت تىركەلدى. «قازاقپاراتتىڭ» ارنايى ساۋالىنا بايلانىستى ق ر ادىلەت مينيسترلىگى وسىنداي مالىمەت بەردى.
«احاج تىركەۋ ءبولىمى اقپاراتتىق جۇيەسىنىڭ ۇسىنعان دەرەكتەرى، 2015 جىلى 7156 ادام ەسىمىن، تەگىن، اكەسىنىڭ اتىن اۋىستىرۋ اكتىسى تىركەلدى. 2016 جىلى 7843 اكتى، 2017 جىلدىڭ 1ء-شى توقسانىندا 1833 اكتى تىركەلگەن»، - دەپ حابارلادى مينيسترلىكتەن.
زاڭ بويىنشا، قازاقستاندىقتار 13 سەبەپپەن عانا ەسىمىن، اكەسىنىڭ اتىن جانە تەگىن اۋىستىرا الادى. وسىلاردىڭ ىشىندە، اكەسىنىڭ نەمەسە اتاسىنىڭ اتى بويىنشا تەگىن اۋىستىرعىسى كەلەتىن جاعدايلار كوپ كەزدەسەدى.
«تىركەۋ ورگاندارى ءوز ەسىمىن، تەگىن جانە اكەسىنىڭ اتىن وزگەرتكىسى كەلگەن ادامنىڭ ءوتىنىشىن 16 جاسقا تولعاننان كەيىنگى جەكە ءوتىنىشى بويىنشا تىركەيدى. جەكە مالىمەتتەرىن وزگەرتكىسى كەلەتىندەردىڭ ورتاشا جاسى 26-33 جاس ارالىعىندا»، دەلىنگەن ۆەدومستۆو مالىمەتىندە.