ماماندىقتاردىڭ ىشىندەگى ەڭ ءقادىرلىسى، ەڭ جاۋاپتىسى – وقۋشىنى ءبىلىم نارىمەن سۋسىنداتىپ، وزگەنىڭ بالاسىنا بار مەيىرىمىن توگەتىن مۇعالىمدەر قاۋىمى. وزىنە ۇلكەن جاۋاپكەرشىلىكتى ارقالاپ، «ءار بالا – ءوزىمىنىڭ بالام» دەپ كەلىپ تۇرعان مۇعالىمدەر يەسىن قۇرمەت تۇتۋ – تەك وقۋشىلارعا ەمەس، جالپىعا مىندەت.
وسىلاي بولا تۇرا، بۇگىنگى قوعامنىڭ ادامدارى ءوز ىستەرىنە جاۋاپ بەرە المايتىن دارەجەگە جەتىپتى. قوعامنىڭ ازعىنداعانى دەيمىز بە، باسقاسى ما، ءمۇعالىم اتاۋلىنى قادىرلەمەيتىن بولعان بۇ زاماندا.
مىنا وقيعا جۇڭگو مەكتەپتەرىنىڭ بىرىندە ورىن العان. ءمۇعالىم مەن وقۋشى اراسىنداعى جانجال. بۇرىندارى مۇعالىمنەن ءسوز ەستىگەن وقۋشى كىرەرگە تەسىك تاپپاي قالۋشى ەدى، ال بۇگىنگى كۇننىڭ وقۋشىسى مۇعالىمگە قول كوتەرۋدەن تايىنبايدى. ۆيدەودان بايقاعانىمىزداي، الدىمەن ۇستازى وقۋشىسىنا ۇرىسقان. قىز ودان سايىن ەرەگىسىپ، ۇستازىنىڭ ءوزىن ۇرىپ جىبەرۋىنە يتەرمەلەيدى. جانجال سوڭى ۇستاز بەن وقۋشى اراسىنداعى توبەلەسكە ۇلاسادى. العاشىندا، قىزىعىپ ۆيدەوعا ءتۇسىرىپ تۇرعان وزگە وقۋشىلار جاعدايدىڭ ۋشىققانىن بايقاپ، اجىراتىپ الۋعا تىرىسقان.