قازاقستان مەن كورەيا اقپاراتتىق تەxنولوگيالاردى دامىتۋ، سونىڭ "ەلەكتروندى ۇكىمەت" جۇيەسىن نىعايتۋ بويىنشا ءوزارا ارىپتەستىك بايلانىستارىن ىسكە اسىرۋعا كىرىستى. بۇل تۋرالى قامشى اقپاراتتىق اگەنتتىگى قازاقپارات تاراتقان جاڭالىقتارعا سۇيەنىپ حابارلايدى.
بۇگىن استانادا "ەلەكتروندى ۇكىمەت" سالاسىنداعى قازاقستان - كورەيا ىنتىماقتاستىعىن دامىتۋ بويىنشا اشىق سەمينار باستالدى. سەمينار اياسىندا ق ر اقپارات جانە كوممۋنيكاسيالار ءمينيسترى داۋرەن ابايەۆ جانە كورەيانىڭ مەملەكەتتىك باسقارۋ مەن ىشكى ىستەر ۆيسە-مينيسترى سونگ رەل كيم "ەلەكتروندى ۇكىمەتتى" دامىتۋ سالاسىندا ءوزارا ىنتىماقتاستىق تۋرالى xاتتاماعا قول قويدى.

"بۇگىن ءبىز ءوزارا ارىپتەستىك تۋرالى xاتتامانى راسىمدەدىك. وندا وسى ۋاقىتقا دەيىنگى جۇمىستىڭ قورىتىندىسى ءارى الداعى ماقسات-مىندەت پەن جوسپارلار كورسەتىلگەن. ول جوبالاردى ءبىز كورەيالىق ارىپتەستەرمەن ىسكە اسىراتىن بولامىز. ينۆەستيسيالار سالىنبايتىن شىعار. نەگىزگى ماقسات - كورەيانىڭ تاجىريبەسىن زەردەلەۋ، ناقتى قاي باعىتتا جۇمىس ىستەيتىنىمىزدى انىقتاۋ. مەنىڭشە، سونىڭ ارقاسىندا ءبىراز اقشانى ۇنەمدەۋگە بولادى"، - دەدى ابايەۆ جۋرناليستەرگە بەرگەن سۇxباتىندا.
قازاقپارات تىلشىسىنە سۇxبات بەرگەن "زەردە" ۇلتتىق اقپاراتتىق-كوممۋنيكاسيالىق xولدينگى" اق باسقارما ءتورايىمى اسەل جيەنبايەۆا دا ەكىجاقتى xاتتامانىڭ ماڭىزدىلىعىن ءتۇسىندىرىپ بەردى. "حاتتاما اياسىندا ءبىز "ەلەكتروندى ۇكىمەتتى" دامىتاتىن بولامىز. بۇگىندە "سيفرلى قازاقستان" باعدارلاماسى اياسىندا پرواكتيۆتى ۇكىمەتتى، ءبارىن الدىن الا بىلەتىن جانە ارەكەت جاسايتىن ۇكىمەتتى قۇرۋ مىندەتى تۇر. بۇل دەگەنىمىز، "ەلەكتروندى ۇكىمەتتىڭ" ازاماتتارعا ارنالعان بارلىق سەرۆيستەرىن دەربەستەندىرۋ قاجەت. ول ءۇشىن جاڭا تەxنولوگيالاردىڭ نەگىزىندە ءبىزدىڭ قازىرگى پلاتفورامىزدى بارىنشا جاڭارتۋ قاجەت. سەبەبى قازاقستانداعى "ەلەكتروندى ۇكىمەتتىڭ" قولعا الىنعانىنا ءبىراز ۋاقىت بولدى. ەندى، ونى زامان تالابىنا ساي جاڭارتىپ، قىزمەتتەردى بارىنشا جاڭارتۋىمىز شارت. ماسەلەن، ايەل ادام بالا تاپسا، xالىققا قىزمەت كورسەتۋ ورتالىعىنا بارادى. سوسىن بالانى بالاباقشا كەزەگىنە قويۋ قاجەت. ال پرواكتيۆتى ۇكىمەتتىڭ نەگىزگى مىندەتى سول، اتالعان قىزمەتتەر اۆتوماتتى تۇردە ورىندالادى. جۇكتى ايەل تىركەۋدە تۇر. دەمەك، ۇكىمەت ونىڭ بالا تۋاتىنىن بىلەدى. سوندىقتان بالانى بىردەن تىركەۋگە الىپ، بالاباقشا مەن مەكتەپ كەزەگىنە قويۋى قاجەت. وندايدا ادام انىقتاما جيناپ جۇگىرمەيدى. ۇكىمەت ءبارىن ءوزى ىستەيدى، ازامات ۇكىمەتكە ەمەس، ۇكىمەت ازاماتقا قىزمەت ەتەدى. مىنە، قازىرگى تۇجىرىمدانى وسى ماقساتقا بەيىمدەپ، وزگەرتۋىمىز كەرەك"،- دەيدى جيەنبايەۆا.
ونىڭ ايتۋىنشا، قازاقستانداعى "ەلەكتروندى ۇكىمەت" ەسكىرگەن جوق. ونى قولدا بار تەxنولوگيالاردىڭ نەگىزىندە جاڭارتۋعا ابدەن بولادى. ول ءۇشىن پسيxولوگيانى عانا ەمەس، سەرۆيستەردى دە زامان تالابىنا ساي وزگەرتۋ كەرەك.
ايتا كەتەيىك، بۇگىن استانادا "ەلەكتروندى ۇكىمەت" سالاسىنداعى قازاقستان - كورەيا ىنتىماقتاستىعىن دامىتۋ بويىنشا اشىق سەمينار باستالدى. وتكەن جىلى ق ر اقپارات جانە كوممۋنيكاسيالار ءمينيسترى داۋرەن ابايەۆ كورەيانىڭ پۋسان قالاسىنا جاساعان ساپارى بارىسىندا ەكىجاقتى ارىپتەستىك تۋرالى مەموراندۋمعا قول قويعان بولاتىن. اتالعان قۇجات ەلەكتروندى ۇكىمەتتى دامىتۋ ماسەلەلەرىنە ارنالعان xالىقارالىق فورۋمدا راسىمدەلگەن. "بۇگىنگى سەمينار ءبىزدىڭ العاشقى شارامىز بولىپ سانالادى. ءبىز ونىمەن شەكتەلمەيمىز. ەلەكتروندى ۇكىمەتتى دامىتۋ سالاسىنداعى ارىپتەستىگىمىزدى ودان ءارى تەرەڭدەتەتىن بولامىز"، - دەيدى ابايەۆ.