«تيتانيكتەگى» اپاتتان امان قالعان ايەلدىڭ تونى قوماقتى سوماعا ساتىلدى

    Gulim Zhaqan
    «تيتانيكتەگى» اپاتتان امان قالعان ايەلدىڭ تونى قوماقتى سوماعا ساتىلدى

    ۇلىبريتانياداعى Henry Aldridge&Son اۋكسيونىندا «تيتانتيك» كەمەسىندە جۇمىس ىستەگەن ستيۋاردەسسانىڭ تونى ساتىلدى، دەپ حابارلايدى قامشى اقپاراتتىق اگەنتتىگى.

    جەرگىلىكتى باسىلىمنىڭ مالىمەتىنشە، تون 232 مىڭ دوللارعا دەيىن باعالانعان. ساتىپ الۋشىنىڭ ەسىمى ازىرگە بەلگىسىز.

    سىرت كيىم باتىپ بارا جاتقان كەمەدەن قۇتقارىلعان مايبل بەننەتت ەسىمدى ايەلگە تيەسىلى. كەمەدەن شىعا بەرە ول تونىن جاتىن كويلەگىنە سالىپ الىپ شىققان. ايەلدىڭ وتباسى توندى 1999 جىلى ساتىپ جىبەرگەن ەكەن، سودان سوڭ كونە جادىگەر مۇراجايعا قويىلدى.

    ترانساتلانتيكالىق «تيتانيك» كەمەسى 1912 جىلى 15 ساۋىرگە قاراعان ءتۇنى مۇزتاۋعا سوقتىعىسىپ، ۇلكەن اپاتقا ۇشىراعان. سالدارىنان 1496 ادام قازا تاۋىپ، 712ء-سى قۇتقارىلدى.

    كەمەنىڭ سىنىقتارى سۋ بەتىنە قالقىپ شىققانىمەن، باسىم بولىگى ءالى كۇنگە دەيىن سۋ استىندا قالىپ قويعان. اپاتتان سوڭ كەمەنى قالپىنا كەلتىرۋ مۇمكىن بولمادى.

    ايتا كەتەيىك، تيتانيكپەن قاتىستى بار زاتتار وسى ۋاقىتقا دەيىن اۋكسيوندارعا قويىلىپ كەلدى. ماسەلەن، 2016 جىلى كەمە قويماسىنىڭ كىلتى ساتىلدى.
     

    قاتىستى ماقالالار