باقىتجان ساعىنتايەۆ سان-فرانسيسكوداعى Microsoft كەڭسەسىنە باردى

    Zhazira Baidaly
    باقىتجان ساعىنتايەۆ سان-فرانسيسكوداعى Microsoft كەڭسەسىنە باردى

    قازاقستان رەسپۋبليكاسىنىڭ  پرەمەر-مينيسترى ب.ساعىنتايەۆ اقش-قا جاساعان قىزمەت ساپارى اياسىندا سان-فرانسيسكوداعى Microsoft كەڭسەسىنە تابان تىرەپ، كومپانيانىڭ كورپوراتيۆتىك ۆيسە-پرەزيدەنتى د.ليەۆينمەن (Dan’l Lewin) كەزدەستى. كەزدەسۋ بارىسىندا Microsoft باس كەڭسەسىنىڭ قىزمەتكەرلەرى كومپانيانىڭ جاڭا تەحنولوگيالارىن كورسەتىپ، قازاقستان ۇكىمەتىنىڭ وكىلدەرىمەن ەلدىڭ ءبىلىم بەرۋ مەكەمەلەرىنە باعدارلامالىق شەشىمدەرىن ەنگىزۋ ماسەلەسىن ورتاعا سالدى.

    اڭگىمە، ەڭ الدىمەن، 2017 جىلدىڭ اقپانىندا قولعا الۋعا قابىلدانعان Digital Kazakhstan*** (سيفرلىك قازاقستان) ستراتەگيالىق باستاماسى اينالاسىندا ءوربىدى. بۇل باستاما اقپاراتتىق تەحنولوگيالاردىڭ كومەگىمەن اۋىلدىق جانە قالالىق مەكتەپتەردەگى ءبىلىم بەرۋ دەڭگەيىنىڭ قاشىقتىعىن قىسقارتۋعا باعىتتالعان، سونداي-اق سيفرلىك ەكوجۇيەنى ۇدەمەلى دامىتۋ ارقىلى قازاقستاندىق ەكونوميكانىڭ باسەكەگە قابىلەتتىلىگىن ارتتىرۋدى ماقسات ەتەدى.

    Microsoft كومپانياسى قازاقستان وكىلدەرىنە ەلدىڭ اۋىلدىق مەكتەپتەرىنە ارنالعان  ۇلتتىق جوبانى  قازاقستاندا جۇزەگە اسىرۋ ءۇشىن جوعارى قابىلەتتىلىگىن، ساراپشىلىق ءبىلىمىن جانە پايدالانىمىن (باعدارلامالىق، كونتەنتتىك، ءبىلىم بەرۋشىلىك) پاش ەتتى. وسىلايشا، ماسەلەن، تاراپتار Bilim Book ارنايى كومپيۋتەرلىك قۇرالىن باعدارلامالىق قامتۋدى جابدىقتاندىرۋدىڭ مۇمكىندىگىن قاراستىرىپ جاتىر، ونى ق ر شاعىنتولىمدى مەكتەپتەرىنە ەنگىزۋ جوسپارلانۋدا.

    Microsoft ءوز الدىنا جاس بۋىنمەن جۇمىس جاساۋدى باسىمدىق ەتىپ بەلگىلەپ وتىر. قازاقستاندا Microsoft-تىڭ ات-باستامالارى ءقازىردىڭ وزىندە كەڭىنەن تانىمال بولۋدا، ولاردىڭ ماقساتى – ستۋدەنتتەر مەن مەكتەپ وقۋشىلارىنا تەحنيكالىق جانە كاسىبي داعدىلاردى يگەرتىپ، دامىتۋ. وسىلايشا، 2016 ج. جەلتوقسانىندا قازاقستاندا YourthSpark Live جاستار كونفەرەنسياسى بولىپ ءوتتى، ونىڭ قاتىسۋشىلارى جەمىستى وقۋعا ارنالعان قۇرالدار مەن باعدارلامالاۋداعى زاماناۋي بەتالىستار تۋرالى بىلىمنەن سۋسىندادى. سونداي-اق، جەلتوقساندا Microsoft كومپانياسىنىڭ مۇرىندىق بولۋىمەن قازاقستانداعى «كود ساعاتى» رەسپۋبليكالىق ناۋقانى اياسىندا مەكتەپتەردە ينفورماتيكا ساباقتارى ۇيىمداستىرىلىپ، وتكىزىلدى. «قازاقستانداعى كود ساعاتى» ناۋقانى بارىسىندا ەكى جىلدا باعدارلامالاۋمەن 126 000 ادام تانىستى، ولاردىڭ باسىم بولىگى – رەسپۋبليكانىڭ 16 وبلىسىنداعى 2500 مەكتەپتەردىڭ وقۋشىلارى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025