ورتالىق كوممۋنيكاسيالار قىزمەتىندە «EXPO-2017» حالىقارالىق كورمەسىن وتكىزۋ كەزەڭىندە قاۋىپسىزدىك شارالارى مەن قۇقىق ءتارتىبىن قامتاماسىز ەتۋ جانە حالىقتى حاباردار ەتۋگە ارنالعان باسپا ءسوز كونفەرەنسياسى ءوتتى. باسپا ءسوز كونفەرەنسياعا ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى تالعات مۇساقانوۆ، ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ قاتىستى دەپ حابارلايدى قامشى اقپاراتتىق اگەنتتىگى ق ر ءىىم باسپا ءسوز قىزمەتىنە سىلتەمە جاساپ.
ءىىم وزگە دە قۇقىق قورعاۋ ورگاندارى، ارنايى قىزمەتتەر، سونداي-اق استانا قالاسى اكىمدىگىمەن بىرگە ەكسپو كورمەسىنە ازىرلىك جانە ونى وتكىزۋ كەزىندە قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋ بويىنشا كەشەندى شارالار قابىلداۋدا.
جەدەل باسقارۋ جانە تۋىنداعان ماسەلەلەردى تەز شەشۋ ءۇشىن ۆەدومستۆوارالىق شتاب قۇرىلدى. وسىنداي شتابتار ەلوردادا جانە وڭىرلىك ىىد-دە جاساقتالدى.
كورمە اشىلماستان ءبىر اي بۇرىن ۇيىمداستىرۋشى كەڭسە عيماراتىندا قاۋىپسىزدىكتى قامتاماسىز ەتۋ ورتالىعى ءوز جۇمىسىن باستايدى، بۇل ورتالىقپەن ىىم-دە قۇرىلعان ۆەدومستۆوارالىق جۇمىس توبى تىعىز بايلانىس جاساپ، كورمە بارىسىندا تۋىنداعان ماسەلەلەردى تىكەلەي شەشىپ وتىراتىن بولادى.
ەكسپو اۋماعىندا پوليسيا ءبولىمى، ال كورمە اۋدانىندا ءورت ءسوندىرۋ دەپوسى قۇرىلدى، سونداي-اق استانا اۋەجايىندا جانە جاڭا تەمىرجول ۆوكزالىندا جەلىلىك پوليسيا ءبولىمى جۇمىس ىستەيدى.
قوعامدىق ءتارتىپتى كۇزەتۋگە جالپى 5 مىڭنان استام قىزمەتكەر تارتىلادى، سونىڭ ىشىندە 3300ء-ى اسكەري قىزمەتكەر، ءىىم وقۋ ورىندارىنىڭ 500 كۋرسانتى جانە وفيسەرى، سونىمەن بىرگە جەكە كۇزەت ۇيىمدارىنىڭ 630 قىزمەتكەرى جانە شەت ءتىلىن ەركىن مەڭگەرگەن ەلىمىزدەگى جوو-نىڭ 174 ستۋدەنتى بار.
بۇل قۇرىلىمداردىڭ بارلىعى قاۋىپسىزدىكتى ساقتاۋ جانە تەكسەرۋ جۇرگىزۋ بويىنشا، سونداي-اق اعىلشىن تىلىنەن ارنايى وقۋ كۋرسىنان وتكەن. بۇعان قوسا استانا قالالىق ءىىد-نىڭ شەت ءتىلىن بىلەتىن 200 قىزمەتكەرى ىرىكتەلىپ، ءاربىر ەكسپو نىسانىنا بەكىتىلدى.
استانا قالاسى ءتجد-نىڭ 100 شاقتى قىزمەتكەرى، 11 تەحنيكالىق بىرلىك جانە 5 تىك ۇشاق توتەنشە جاعدايلاردى ەسكەرتۋ جانە ءورت قاۋىپسىزدىگىنىڭ الدىن الۋ بويىنشا ارنايى توپتىڭ قۇرامىنا ەندى.
اعىمداعى جىلعى 1 ماۋسىمنان كورمە اياقتالعانشا ىشكى ىستەر ورگاندارىنىڭ جەكە قۇرامى كۇشەيتىلگەن قىزمەت كەستەسىنە كوشىرىلەدى.
ەكسپو اۋدانىندا قاۋىپسىزدىك اۋماعى ورناتىلادى، وعان ارنايى جانە اككرەديتتەلگەن كولىكتەردەن باسقا جۇك كولىكتەرىنىڭ كىرۋى شەكتەلەدى.
سونمەن قاتار، ەلوردا اۋماعى بويىنشا كىرەتىن كولىكتەرگە تەكسەرۋ جۇرگىزۋگە قاتىستى بارلىق «رۋبەج» بەكەتتەرىندە كۇشەيتىلگەن قاۋىپسىزدىك شارالارى بەكىتىلەدى.
1قاڭتاردان باستاپ ەكونوميكاسى دامىعان 45 ەلدىڭ ازاماتتارى ءۇشىن 30 كۇنگە دەيىنگى ۆيزاسىز كەستە ەنزىگىلدى. ولار سونداي-اق پوليسياعا تىركەلۋدەن دە بوساتىلعان، ولارعا تىركەلۋ شەكارادان وتكەن بويدا جۇرگىزىلەدى.
ەكسپو-نىڭ قاتىسۋشىلارى مەن قوناقتارى تىركەلۋدى ونلاين جۇيەسىندە جۇرگىزە الادى، بۇل ءوز كەزەگىندە تىركەلۋ شارالارىن جەڭىلدەتىپ، وعان كەتەتىن ۋاقىتتا بىرنەشە مينۋتقا دەيىن ازايتادى.
استانا قالاسىنداعى اۋەجايدا جانە ءبىرىڭعاي قىزمەت كورسەتۋ ورتالىعىندا كوشى-قون شارالارىنان ءوتۋ ءۇشىن كورمەدە كوشى-قون قىزمەتىنىڭ بەكەتتەرى ۇيىمداستىرىلادى.
ايتا كەتەيىك، كورمەگە 5 ملن.ادام كەلەدى دەپ كۇتىلۋدە، ونىڭ 15% الەمنىڭ ءار تۇكپىرىنەن كەلەتىن تۋريستەر، 85% قازاقستاننىڭ بارلىق وڭىرىنەن كەلەتىندەر، 120 ەل جانە 12 حالىقارالىق ۇيىم وزدەرىنىڭ كورمەگە قاتىساتىندارىن ناقتىلادى.