ۇلىبريتانيانىڭ ءتىس ەمحاناسىندا مەدبيكە بولىپ جۇمىس ىستەگەن 22 جاستاعى لينزي كرەيگ ەگيپەتتەگى ەڭبەك دەمالىسىنا شىققان. ەڭبەك دەمالىسىنىڭ سوڭعى كۇندەرىندە جۇرەگى اينىپ، ءىشى وتە باستاعان. مەدبيكە قىز جانە ونىڭ جىگىتى داررەن ريد بۇل اۋرۋدى استان ۋلانۋ دەپ ساناعانىمەن، كۇن وتكەن سايىن قىزدىڭ جاعدايى كۇرت ناشارلايدى. دارىگەرلەردىڭ كومەگىنە جۇگىنگەندە، بالا كۇنىندە قاتەرلى ىسىكپەن اۋىرعان مەدبيكە قىزدىڭ اۋرۋى اسقىنىپ، قاتەرلى ىسىك بويىنا جايىلىپ كەتكەنى انىقتالعان. التى ايدان سوڭ لينزي كرەيگ قاتەرلى ىسىكتەن كوز جۇمادى.

دارىگەرلەر ءلينزيدىڭ 14 جاسىندا ءقاۋىپتى ىسىگىن الىپ تاستاعان. ءبىراق اۋرۋ بىرنەشە جىل وتكەن سوڭ قايتا قوزىپ، جاس قىزدىڭ اسقازان، وكپە، باۋىر، ومىرتقا بولىكتەرىنە جايىلىپ كەتكەن.
دارىگەرلەر دياگنوز قويا سالىسىمەن حيميالىق ەمدەۋدى باستاعان. ەم قابىلداعانىنا قاراماستان، لينزي ءوز اياقتارىن سەزۋدەن قالادى. 27 جەلتوقسان كۇنى مەرەكە قارساڭىندا جاعدايى كۇرت ناشارلاپ، اناسى جەدەل جاردەم شاقىرادى.

ءلينزيدىڭ اناسىنىڭ ايتۋى بويىنشا، ءلينزيدىڭ سوڭعى سوزدەرى ماحاببات پەن سۇيىسپەنشىلىك جايىندا بولعان.
اۋدارعان : ايگەرىم تاۋباي