برەننان اگرانوفف ءوزىنىڭ بۇل بيزنەسىن 13 جاسىندا باستاعان. اتا-اناسى العاشقى كاپيتالى ءۇشىن ءۇش مىڭ دوللار قاراجات بەرگەن. سول كەزدە شۇلىق ساتىپ الىپ وعان ديزاين ويلاپ تاپپاقشى بولادى.
قاسىنداعى سىنىپتاستارى ساباق وقىپ، قىدىرىپ جۇرگەندە برەننان ءوزىنىڭ بيزنەسىن نەگىزدەپ جاتقان. ول ءوزىنىڭ العاشقى ميلليون دوللارىن تەك ءتورت جىل وتكەن سوڭ عانا جيناعان. بۇل تۋرالى قامشى اقپاراتتىق اگەنتتىگى حابارلايدى.

بۇل يدەيا جاس جىگىتكە 2013 جىلى باسكەتبول ماچى بارىسىندا كەلگەن. ول بارلىق ويىنشىلاردىڭ بىردەي اق شۇلىق كيگەنىن بايقاعان. سوندا ەرەكشە ستيلدە، ەرەكشە ديزايندا شۇلىق شىعارسا قالاي بولار ەكەن دەپ ويلاسا كەرەك. سودان كەيىن اكە-شەشەسىن ينۆەستيسيا سالۋعا كوندىرگەن.
التى ايدان كەيىن ول ءوزىنىڭ ءىسىن ءۇي گاراجىندا اشقان. قازىرگى ۋاقىتتا ونىڭ كىشىگىرىم كاسىپ ورنىندا 17 جۇمىسشى بار. ونىڭ ىشىندە برەنناننىڭ اناسى دا بار. 17 جاستاعى ميلليونەردىڭ سوزىنە قاراعاندا، جەكە كاسىپكەر بولۋ ءۇشىن جاس ەرەكشەلىكتىڭ ماڭىزى جوق.