2027 جىلى الەمدە بىرنەشە وزگەرىستەر بولاتىندىعى بەلگىلى. قازىردەن باستاپ بارلىق ادامدار ءبىراز جىلدان كەيىن الەمدە قانداي وزگەرىستەر بولاتىندىعى تۋرالى ويلانا باستادى دەپ جازادى قامشى اقپاراتتىق اگەنتتىگى 24tv.ua سىلتەمە جاساپ.
ءبىراز جىلدان كەيىن الەمدە جۇمىسسىزدىق ورناۋى مۇمكىن. سەبەبى، بارلىق سالادا جۇمىسپەن روبوتتار اينالىسادى. تاكسي جۇرگىزۋشىسىنەن باستاپ قاراپايىم جۇمىسشىلارعا دەيىن، قۇرىلىس سالاسى مەن شارۋاشىلىق سالاسىندا روبوتتار قىزمەت جاسايتىن بولادى.
Apple كومپانياسى قىتايدا ورنالاسقان زاۋىتتاعى 60 مىڭ قىزمەتكەردى روبوتتارمەن الماستىرعان بولاتىن. اقش-تا بىرنەشە دۇكەندەر جابىلىپ ۇلگەردى. روبوتتار كوپتەگەن سالاداعى جۇمىسشىلاردى الماستىرادى، ونىڭ ىشىندە مەديسينا، ءبىلىم الۋ، جۋرناليستيكا سالاسى سياقتى بىرنەشە سالالار بار. قىتايداعى 70% جۇمىس ورىندارىندا قىسقارتۋ جۇرگىزىلەدى دەپ جوسپارلانىپ وتىر. الەمدە جۇمىسسىزداردىڭ سانى كۇرت جوعارىلاۋى مۇمكىن. اقشانىڭ قوعامداعى اتقاراتىن ءرولى دە تومەندەيدى.
ساياسات پەن ەكونوميكا سالاسى سول سالادا جۇرگەندەر ءۇشىن عانا ماڭىزدى بولىپ كەلەدى. ال قاراپايىم حالىق كۇنكورىس قامىمەن ءجۇرىپ بۇل سالالارعا اسا كوپ نازار سالمايدى. ادامدار بۇل كەزدە ءومىر ءسۇرۋدىڭ باسقا دا تاسىلدەرىن ويلاپ تاۋىپ، سول قوعامعا تەزدەتىپ بەيىمدەلۋمەن اينالىسادى. بۇل وزگەرىس بىردەن بولا قويمايدى جانە ادامدار بۇل وزگەرىستى بىردەن بايقامايدى. الداعى 10 جىلدان كەيىنگى وزگەرىستەردىڭ بۇل بىزگە بەلگىلىسى عانا. ءبىز بىلە بەرمەيتىن دە وزگەرىستەر بولاتىندىعى تۇسىنىكتى. كىم ءبىلسىن؟ مۇمكىن وزگەرىس باستالىپ تا كەتكەن شىعار.