دجەك ما: 30 جىلدان سوڭ كومپانيالاردى روبوتتار باسقارادى

    Zhazira Baidaly
    دجەك ما: 30 جىلدان سوڭ كومپانيالاردى روبوتتار باسقارادى

     Alibaba Croup-تىڭ نەگىزىن قالاۋشى  دجەك مانىڭ ايتۋى بويىنشا،  30 جىلدان سوڭ كومپانيالاردى روبوتتار باسقارادى.

    جاقىن ارادا دجەك ما قىتايدىڭ كاسىپكەرلەر كلۋبىنىڭ مۇشەلەرمەن كەزدەستى دەپ حابارلايدى قامشى اقپاراتتىق اگەنتتىگى Yahoo-عا سىلتەمە بەرە وتىرىپ.  كەزدەسۋ بارىسىندا  الداعى 30 جىلدا الەمدە قيىندىقتار قازىرگىدەن دە كوپ بولادى دەپ مالىمدەدى.

    دجەك ما وسىدان 15 جىل بۇرىن ءوزىنىڭ ەلەكتروندىق كوممەرسيانىڭ دامۋى جايىندا ايتقانىن ەسكە سالا كەتتى. ەلەكتروندىق كوممەرسيانىڭ دامۋى ءداستۇرلى بيزنەسكە اسەر ەتەدى. ءبىراق ءوزىنىڭ الدىن-الا جاساعان ەسكەرتۋىنە ەشكىمنىڭ قۇلاق اسپاعانىن تىلگە تيەك ەتتى. قازىرگى تاڭدا كەز كەلگەن جۇمىس عالامتورمەن تىعىز بايلانىستى ەكەنىن دە ايتىپ ءوتتى.

    روبوتتار ادامداردىڭ ورنىن باسا المايدى. ونىڭ ورنىنا ءتۇرلى جۇمىستاردى اتقاراتىن ماشينالاردى ويلاپ تابۋ كەرەك.  سوندا عانا روبوتتار ادامعا قارسىلاس ەمەس سەرىكتەس بولادى، قيىن جۇمىستاردى اتقارۋعا ءوز كومەگىن تيگىزەدى، دەدى دجەك ما.

    30 جىلدان سوڭ Time جۋرنالىنىڭ العاشقى بەتىندە ءبىر كومپانيانىڭ باس ديرەكتورى رەتىندە ادام ەمەس روبوتتىڭ سۋرەتى تۇرۋى دا عاجاپ ەمەس. سەبەبى، روبوتتىڭ ادامعا قاراعاندا ەستە ساقتاۋ قابىلەتى مىقتى، ەسەپكە جۇيرىك جانە روبوتتىڭ سەزۋ مۇشەسى جوق، دەدى دجەك ما.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025