جاستار تەاترى ۇزدىك اتاندى

    Zhazira Baidaly
    جاستار تەاترى ۇزدىك اتاندى

    استانا قالاسى اكىمدىگىنىڭ جاستار تەاترى قازاقتىڭ تۇڭعىش رەجيسسەرى جۇمات ءشانيننىڭ تۋعانىنا 125 جىل تولۋىنا وراي ق ر مادەنيەت جانە سپورت مينيسترلىگى، حالىقارالىق تۇركسوي ۇيىمىنىڭ جانە وقو مادەنيەت باسقارماسىنىڭ ۇيىمداستىرۋىمەن شىمكەنت قالاسىندا وتكەن تۇركى الەمى تەاترلارىنىڭ  "تەاتر كوكتەمى-2017" حالىقارالىق فەستيۆالىندە ۋ.شەكسپيردىڭ "اساۋعا تۇساۋ" كومەدياسىمەن گران-پري جۇلدەسىنە يە بولدى دەپ حابارلايدى قامشى اقپاراتتىق اگەنتتىگى تەاتردىڭ باسپا ءسوز قىزمەتىنە سىلتەمە جاساي وتىرىپ.

    قويىلىم رەجيسسەرى – تەاتردىڭ كوركەمدىك جەتەكشىسى نۇرقانات جاقىپباي.

    سونداي-اق، "ەڭ ۇزدىك ايەل بەينەسى" جۇلدەسى - كاتارينا ءرولى ءۇشىن اينۇر راحيپوۆاعا، «قويىلىمداعى ۇتىمدى بەينە" جۇلدەسى - پەترۋچيو ءرولى ءۇشىن ءادىل احمەتوۆكە تابىس ەتىلدى.

    قاتىستى ماقالالار