ەمان احمەد- الەمدەگى ەڭ تولىق ايەل. ونىڭ اپكەسى شايما ءساليمنىڭ سوزىنە قاراعاندا، ءۇندىستاندىق دارىگەرلەر اپكەسىن دە، ءوزىن دە الداپ سوققان. ەمان احمەد ءبىر جارىم اي بويى اۋرۋحانادا جاتىپ جاعدايى ناشارلاعان. اپكەسى شايما ساليم وعان دارىگەرلەر وتىرىك ەم-دوم جاساپ ءجۇر دەيدى. بۇل تۋرالى قامشى اقپاراتتىق اگەنتتىگى life.ru-عا سىلتەمە جاساپ حابارلايدى.
ونىڭ ايتۋى بويىنشا، ەمان احمەت 200-دەن اسا كەلى سالماق تاستاماعان. ال دارىگەرلەر ونىڭ وسى سالماقتى تاستاعانىن ايتىپ جالعان اقپارات تاراتقان.
ەڭ تولىق ايەلدىڭ اپكەسى: «ول اۋرۋعا شالدىققان. ون كۇن بۇرىن ترومبوز (قاننىڭ ۇيۋى) بولعانىن ايتادى. وسىندا كەلگەلى بەرى ەكىنشى رەت قانى ۇيىپ وتىر»-دەيدى. ءقازىر جاعدايى وتە ناشار بولىپ وتىرعانىن ايتا كەلە، دارىگەرلەرگە تەك سەنساسيا مەن اتاق قانا كەرەك ەكەنىن جەتكىزدى.
ال دارىگەرلەر بۇل كىنانى جوققا شىعارۋدا. ولاردىڭ ايتۋىنشا ەشقانداي قان ۇيۋ بولماعان، ەماننىڭ قازىرگى سالماعى 171 كەلى. ول اۋرۋحاناعا كەلگەن ۋاقىتتا سالماعى 495 كەلى بولعان، سەمىرۋگە شالدىققان وعان ناۋرىز ايىنىڭ باسىندا وتا جاسالعان. "200 كەلى تاستاعانى راس"- دەيدى دارىگەرلەر.