ۇستىمىزدەگى جىلدىڭ باسىنان باستاپ ءدىن ىستەرى جانە ازاماتتىق قوعام مينيسترلىگى ازاماتتىق سەكتوردان كەلىپ تۇسكەن تۇرعىنداردى الاڭداتاتىن كوكەيكەستى ماسەلەلەردى (بۇدان ءارى – تۇرعىنداردىڭ كوكەيكەستى ماسەلەلەرى) جيناقتاۋ مەن تالداۋ بويىنشا جۇمىستار جۇرگىزۋدە دەپ حابارلايدى قامشى اقپاراتتىق اگەنتتىگى مينيسترلىكتىڭ باسپا ءسوز قىزمەتىنە سىلتەمە جاساي وتىرىپ.
تالداۋ بارىسىندا بارلىق ماسەلەلەر كەلەسى قىرلاردان قاراستىرىلادى:
- شەشىمى قولدانىستاعى زاڭناماعا وزگەرىستەر مەن تولىقتىرۋلار ەنگىزۋدى تالاپ ەتەتىن جۇيەلى تارتىپتەگى ماسەلەلەر؛
- شەشىمى بەلگىلى ءبىر مەملەكەتتىك ورگاننىڭ ناقتى شەشىمىن نەمەسە قولدانىستاعى مەملەكەتتىك مەحانيزمدەردىڭ اياسىندا اتاۋلى كومەكتى تالاپ ەتەتىن جەدەل سيپاتتاعى ماسەلەلەر؛
كەيىن، قالىپتاستىرىلعان ماسەلەلەر ءتىزىمى قۇزىرەتتىلىگى بويىنشا قاراستىرۋ ءۇشىن جانە ولاردى شەشۋگە ءتيىستى شارالار قولدانۋ ءۇشىن ءتيىستى مەملەكەتتىك ورگاندارعا جولدانادى.
مىسالى، 2017 جىلدىڭ باسىنان قالىپتاستىرىلىپ جاتقان كوكەيكەستى ماسەلەلەر ءتىزىمى ەلدىڭ الەۋمەتتىك-ەكونوميكالىق دامۋىنىڭ كەڭ اۋقىمىن قوزعادى. وسىلايشا، وتكەن كەزەڭدە:
- جانار-جاعارماي ماتەريالدارىنىڭ، حالىق تۇتىناتىن تاۋارلار مەن الەۋمەتتىك ماڭىزى بار قىزمەت كورسەتۋلەردىڭ باعاسىنىڭ ءوسۋى؛
- تۇرعىنداردىڭ، سونىڭ ىشىندە جاستاردىڭ جۇمىسپەن قامتىلۋى؛
- مەملەكەتتىڭ ەكولوگيالىق قاۋىپسىزدىگى؛
- جەر رەسۋرستارىنىڭ تاپشىلىعى؛
- تۇرعىن ۇي-كوممۋنالدىق شارۋاشىلىق؛
- سۋ تاسقىنى؛
- ءبىلىم بەرۋ؛
- جاسوسپىرىمدەر ءسۋيسيدى؛
- جولداعى قاۋىپسىزدىك؛
- زەينەتاقى جۇيەسىنىڭ رەفورمالارى؛
- بانك سەكتورى جانە ت.ب. ەڭ كوكەيكەستى ماسەلەرگە اينالدى.
تۇرعىنداردىڭ كوكەيكەستى ماسەلەلەرىن شەشۋدە قولداناتىن شارالار بويىنشا ورتالىق جانە جەرگىلىكتى مەملەكەتتىك ورگانداردىڭ جاۋاپتارىنا جۇرگىزىلگەن تالداۋ، تۇرعىنداردىڭ كوكەيكەستى ماسەلەلەرى ءتىزىمىن قالىپتاستىرۋ بويىنشا ازاماتتىق سەكتور وكىلدەرىمەن جۇمىستى جالعاستىرۋدىڭ ماقساتتىلىعىن كورسەتتى.
وسىعان وراي، ۇكىمەتتىك ەمەس سەكتور وكىلدەرىن، سونداي-اق بارلىق بەي-جاي ەمەس ازاماتتاردى كوكەيكەستى، الاڭداتاتىن ماسەلەر ءتىزىمىن قالىپتاستىرۋعا بەلسەنە ات سالىسۋىن سۇرايمىز دەيدى مينيسترلىك.
ءوز ۇسىنىستارىڭىزدى kdgo_press@post.kz ەلەكتروندىق پوشتاسىنا نەمەسە 010000، استانا ق.، ماڭگىلىك ەل داڭعىلى، 8، «مينيسترلىكتەر ءۇيى» عيماراتى، 15ء-ىنشى كىرەبەرىس، قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنە جولداۋلارىڭىزعا بولادى.