مەملەكەت باسشىسىنىڭ ۇكىمىمەن ارىن امانگەلدى ۇلى ورسارييەۆ قازاقستان رەسپۋبليكاسى ءبىلىم جانە عىلىم مينيسترلىگىنىڭ جاۋاپتى حاتشىسى بولىپ تاعايىندالدى، دەپ حابارلايدى قامشى اقپاراتتىق اگەنتتىگى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
ارىن ورسارييەۆ 1976 جىلى الماتى قالاسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن مامان-ەلتانۋشى ماماندىعى (ەكى شەت تىلىندە) بويىنشى ءتامامدادى. «بولاشاق» باعدارلاماسىمەن سوربوننا (پاريج) ۋنيۆەرسيتەتىن ديپلوماتيا جانە ستراتەگيا ماگيسترى ماماندىعى بويىنشا ءبىتىردى. ساياسات عىلىمدارىنىڭ دوكتورى.
ەڭبەك جولىن قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىنىڭ ءمۇعالىمى، جوعارى ساناتتاعى مامان بولىپ باستاپ، كەيىن ق ر سىرتقى ىستەر مينسيترلىگىنىڭ ەكىنشى حاتشىسى قىزمەتىن اتقارادى.
ءار جىلدارى قاۋىپسىزدىك كەڭەسى سەكرەتارياتى اناليتيكالىق ورتالىعىنىڭ اعا ساراپشىسى، ىشكى ساياسات ءبولىمىنىڭ اعا ساراپشىسى، باس ساراپشىسى، قازاقستان رەسپۋبليكاسى پرەزيدەنتى اكىمشىلىگى ىشكى ساياسات باسقارماسىنىڭ اقپاراتتىق-اناليتيكالىق ورتالىعى سەكتورىنىڭ مەڭگەرۋشىسى؛
استانا قالاسىنىڭ ىشكى ساياسات دەپارتامەنتىنىڭ ديرەكتورى، قازاقستان رەسپۋبليكاسى مادەنيەت جانە اقپارات مينيسترلىگىنىڭ تالداۋ جانە ستراتەگيالىق جوسپارلاۋ دەپارتامەنتىنىڭ ديرەكتورى؛ قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى، ءتواراعاسى مىندەتىن اتقارۋشى؛
قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى قىزمەتتەرىن اتقارعان.