مادەنيەت جانە سپورت ءمينيسترى كونسەرت الاڭدارىندا كەلەڭسىز جاعدايلاردىڭ ورىن الماۋىن ەندىگى قاداعالايتىن بولادى.
«قازاقستان» كونسەرت زالىندا بولعان جانجاللدان سوڭ كۇزەتشىلەر جۇمىستان قۋىلدى. بۇل جايىندا مينيستر ءوزىنىڭ فەيسبۋكتەگى پاراقشاسىندا جازدى.
«بولعان وقيعا ءۇشىن قاتتى وكىنەمىن. مەن ەرەكشە سىيلايتىن جۋرناليستەردىڭ ەركىندىگىن ەشكىم تەجەي المايدى. كۇزەتشىلەردىڭ بۇل ىستەرى اقىلعا قونبايدى. تاڭنان بەرى «قازاقستان» كونسەرتىنىڭ باسشىلىعىنا قاتاڭ شارا قولدانۋدى ۇسىندىم. كۇزەتشىلەر جۇمىستان بوساتىلاتىن بولادى» دەپ جازدى مينيستر.
سونداي-اق، ارىستانبەك مۇحامەدي ۇلى ەندىگى جولى بۇنداي جاعدايدىڭ قايتالانبايتىنىنا ۋادە بەردى.
«EXPO-2017 قارساڭىندا مۇنداي جاعدايدىڭ ورىن الۋى دۇرىس ەمەس. كەلەڭسىز جاعدايلاردىڭ قايتالانباسى ءۇشىن ەندى قاتاڭ تۇردە قاداعالايتىن بولامىز. ال ديماشتىڭ كونسەرتى كەڭىرەك جەردە وتەتىن بولادى»، دەپ ءسوزىن اياقتادى.
ەسكە سالا كەتەيىك، ديماش قۇدايبەرگەننىڭ كونسەرتى باستالاردا «قازاقستان» كونسەرت زالىنىڭ كۇزەتشىسى مەن ءجۋرناليستىڭ اراسىندا ۇلكەن جانجال تۋىنداپ سوڭى توبەلەسكە ۇلاسقان ەدى.