ءتۇپقاراعان اۋدانىنا قاراستى فورت-شيەۆچەنكو قالالىق جاعاجايىنان، سۋ جاعاسىنا شىعىپ قالعان 245-كە جۋىق يتبالىقتاردىڭ ولەكسەلەرى تابىلدى دەپ حابارلايدى قامشى اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.
وسىعان بايلانىستى ق ر اشم وشجدك ماڭعىستاۋ وبلىستىق ورمان شارۋشىلىعى جانە جانۋارلار دۇنيەسى اۋماقتىق ينسپەكسياسىنىڭ، ق ر ەم ەكولوگيالىق رەتتەۋ جانە باقىلاۋ كوميتەتىنىڭ ماڭعىستاۋ وبلىسى بويىنشا ەكولوگيا دەپارتامەنتىنىڭ، ءتۇپقاراعان اۋدانىنىڭ ۆەتەريناريا قىزمەتىنىڭ جانە ماڭعىستاۋ وبلىسى توتەنشە جاعدايلار دەپارتامەنتىنىڭ وكىلدەرىنەن قۇرالعان وپەراتيۆتى توپ وقيعانىڭ ورىن الۋ سەبەبىن انىقتاۋدا. تەڭىز جانۋارلارى ولگەن جەردىڭ سۋى مەن توپىراعىنان سىنامالار الىنىپ، ارنايى زەرتحانادا تەكسەرىپ جاتىر.
سونىمەن قاتار، كاسپيي يتبالىعىنىڭ ساندىق ديناميكاسىن زەرتتەپ، ونىڭ پوپۋلياسياسىنا قاتەر توندىرەتىن فاكتورلاردى كەشەندى باعالاۋ ءۇشىن «قازاق بالىق شارۋاشىلىعى عىلىمي-زەرتتەۋ ينستيتۋتى» ءجشس-نىڭ جانە گيدروبيولوگيا جانە ەكولوگيا ينستيتۋتىنىڭ ماماندارىمەن بىرلەسىپ، ينسپەكسيا قىزمەتكەرلەرى دۋرنيەۆ ارالىنا ەكسپەديسيا ۇيىمداستىرۋدا. ا.ج.16 ءساۋىرى مەن 18 مامىرى ارالىعىنا جوسپارلانىپ وتىرعان بۇل ەكسپەديسيانىڭ ناتيجەسىندە، تەڭىز جانۋارلارى ءولىمىنىڭ ناقتى سەبەپتەرى جان-جاقتى زەرتتەلىپ جانە ولاردىڭ ءولىم ءقاۋپىن تومەندەتۋ بويىنشا ۇسىنىستار مەن جوبالار ازىرلەنەدى.