اتىراۋ قالاسىنداعى بالالار كولىك استىنا ادەيى جۇگىرۋدى ادەتكە اينالدىرا باستادى دەپ حابارلايدى قامشى اقپاراتتىق اگەنتتىگى mgorod.kz-كە سىلتەمە جاساي وتىرىپ. بالالار جولدىڭ بويىندا جينالىپ كولىك كەلە جاتسا جۇگىرەدى ەكەن.ويىننىڭ ماقساتى – زۋلاپ كەلە جاتقان كولىكتىڭ الدىنان جۇگىرىپ ءوتۋ. ويىن «جۇگىر نەمەسە ءول» دەپ اتالادى.
وسى ويىنعا بايلانىستى وقيعا 21ء-ساۋىر كۇنى ساعات 14:00-دە ۆلاديميرسكيي كوشەسىندە بولعان.
«گرين بەار ايىرباستاۋ بەكەتى ماڭىنداعى باعدارشامدا 13-14 جاستاعى بالالار توبى تۇردى. مەن ولاردىڭ قاسىنا جاقىنداي بەرگەندە بالالاردىڭ ءبىرى مەنىڭ كولىگىمنىڭ الدىنا قاراي ۇمتىلدى. مەن تەجەگىشتى باسىپ ۇلگەردىم، ال بالا بولسا ىرجالاڭداپ جۇگىرىپ كەتتى. ال وزگەلەرى وعان «جارايسىڭ» دەگەندەي قوشەمەت ءبىلدىرىپ جاتتى. قۋىپ جەتكىم كەلگەن، ءبىراق بولعان وقيعادان كەيىن ەسەڭگىرەپ قالدىم»،- دەپ وقيعانى كولىك جۇرگىزۋشىسى بايانداپ بەردى. كۋاگەرلەردىڭ ايتۋلارى بويىنشا، تاعى 10 جاستاعى بالا كولىككە قاراي ۇمتىلعان. ابىروي بولعاندا كولىك ءجاي جىلدامدىقپەن كەلە جاتقاندىقتان، توقتاپ ۇلگەرگەن.
«بۇل ويىن «سينيي كيت» ويىنىنا ۇقساس جاستاردىڭ جاڭا كوڭىل كوتەرۋ ءۇشىن شىعارعان ءادىسى سياقتى. جاس بالالاردىڭ قاسىنان وتكەندە اباي بولىڭىزدار»، – دەيدى كولىك جۇرگىزۋشىلەرى.