سىبايلاس جەمقورلىققا قارسى كۇرەس جونىندەگى ءىس-قيمىل جوسپارىنا قول قويىلدى

    Gulim Zhaqan
    سىبايلاس جەمقورلىققا قارسى كۇرەس جونىندەگى ءىس-قيمىل جوسپارىنا قول قويىلدى

    Strategy2050.kz اگەنتتىگىنىڭ حابارلاۋىنشا، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس ىستەرى، قازاقستان حالقى اسسامبلەياسى سىبايلاس جەمقورلىققا قارسى مادەنيەت قالىپتاستىرۋ جونىندە بىرلەسكەن ءىس-شارانىڭ جوسپارىنا قول قويدى.

    بۇل جايىندا قازاقستان حالقى اسسامبلەياسى جەتەكشىسىنىڭ ورىنباسارى دارحان مىڭباي قازاقستان حالقى اسسامبلەياسى كەڭەسىنىڭ وتىرىسىندا ايتتى.

    «مەملەكەت باسشىسى باعدارلامالىق ماقالاسىندا ايتىپ وتكەندەي، ءبىز اركىمنىڭ جەكە ۇلەسى مەن قاسيەتتەرى باعالاناتىن قوعام قۇرامىز. مۇنداي جۇيە تامىر-تانىستىقتى قاجەت ەتپەيدى. جۇيەنىڭ بۇل ءتۇرى دامىماي قالعان مەملەكەتتەردە قولدانىلادى. قول قويۋ مەن جوسپاردىڭ ورىندالۋى جەمقورلىقپەن كۇرەستە ءوز ناتيجەسىن بەرەتىنىنە سەنىمدىمىن»، دەدى د. مىڭباي.

    «جەمقورلىق – مەملەكەتتى قۇرتاتىن، ادامداردىڭ سەنىمىنە، ۇلتتىق قاۋىپسىزدىككە نۇقسان كەلتىرەتىن ارەكەتتىردىڭ ءبىرى»، دەپ ءوز پىكىرىن قوستى ا. شپەكبايەۆ.

    سونداي-اق، مەملەكەتتىك قىزمەتكەر قازاقستاندا جەمقورلىق دەڭگەينىنىڭ تومەندەگەنىن ايتتى.

    «حالىقارالىق رەيتينگكە كوز جۇگىرتسەك، ەلىمىزدە 2013 جىلعا قاراعاندا جەمقورلىققا بارعان ادامداردىڭ سانى الدەقايدا ازايعان».

    جەمقورلىققا قارسى مادەنيەت قۇرۋ جونىندەگى جوسپاردا قازاقستانداعى ءتۇرلى ەتنيكالىق توپتاردىڭ تىلدەرىندە اۆتورلىق ماقالالاردىڭ جاريالانۋى، ادامداردى جەمقورلىققا قارسى تاربيەلەۋ ماقساتىندا راديولاردا، الەۋمەتتىك جەلىلەردە، تەلەەكرانداردا ءتۇرلى باعدارلامالاردىڭ ترانسلياسياسى قارالاعان.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025