بجزق-ندا 2016 جىلعى زەينەتاقى جانە وزىندىك اكتيۆتەرى بويىنشا قارجىلىق ەسەپتىلىگىنە سىرتقى اۋديت جۇرگىزىلدى دەپ حابارلايدى قامشى اقپاراتتىق اگەنتتىگى «بجزق» اق باسپا ءسوز ورتالىعىنا سىلتەمە جاساي وتىرىپ.
تاۋەلسىز اۋديتورلىق كومپانيانىڭ قورىتىندىسىنا سايكەس، زەينەتاقى اكتيۆتەرى بويىنشا قارجىلىق ەسەپتىلىك قولدانىستاعى بارلىق اسپەكتتەردە «زەينەتاقى اكتيۆتەرى بويىنشا وپەراسيالار تۋرالى اقپاراتتى ەسەپكە الۋ مەن اشىپ كورسەتۋ» قارجىلىق ەسەپتىلىك ستاندارتىنا سايكەستىكتى راستالعان. بۇل زەينەتاقى اكتيۆتەرىنىڭ ساقتالۋىن، ولاردىڭ ەسەبىنىڭ دۇرىستىعىن، زەينەتاقى اكتيۆتەرى ينۆەستيسيالانعان قارجىلىق قۇرالداردىڭ ءادىل قۇنىن باعالاۋ دۇرىستىعىن دالەلدەيدى.
2017 جىلعى 1 قاڭتارداعى جاعداي بويىنشا، زەينەتاقى جيناقتارىنىڭ جالپى سوماسى 6،69 ترلن تەڭگە بولسا، ونىڭ 20،2%-ىن (1،35 ترلن تەڭگە) ينۆەستيسيالىق تابىس قۇرادى. الدىن الا مالىمەتتەر بويىنشا، بجزق-ندا شوعىرلانعان زەينەتاقى اكتيۆتەرى سوماسىنىڭ 2016 جىلعى ق ر ءجىو سوماسىنا قاتىناسى 15،1% قۇرايدى.
2016 جىلعى 1 قاڭتار – 31 جەلتوقسان ارالىعىندا بارلىعى 399 مىڭنان استام جەكە زەينەتاقى شوتى (جزش) اشىلدى، ونىڭ ىشىندە مىندەتتى زەينەتاقى جارنالارى (مزج) ەسەبىنەن 354 813 بىرلىك، مىندەتتى كاسىبي زەينەتاقى جارنالارى (مكزج) ەسەبىنەن 37 778 بىرلىك جانە ەرىكتى زەينەتاقى جارنالارى (ەزج) ەسەبىنەن 6 473 بىرلىك. وسىلايشا، شارتتاردىڭ بارلىق ءتۇرى بويىنشا 2017 جىلدىڭ 1 قاڭتارىنا سالىمشىلاردىڭ (الۋشىلاردىڭ) جزش-تارىنىڭ سانى 10،04 ملن بىرلىكتى قۇراسا، ونىڭ ىشىندە مزج ەسەبىنەن – 9،58 ملن بىرلىك. سالىمشىلاردىڭ مكزج بويىنشا جزش-تارى سانى 420 مىڭ بىرلىكتى قۇراسا، ەزج بويىنشا ولاردىڭ سانى 39 مىڭ بىرلىكتى قۇرايدى.
2016 جىلى بجزق-نان تولەنگەن زەينەتاقى تولەمدەرىنىڭ سوماسى 169،69 ملرد تەڭگە بولسا، ونىڭ ىشىندە ساقتاندىرۋ ۇيىمدارىنا اۋدارىلعانى – 22،69 ملرد تەڭگە. سالىستىرۋ ءۇشىن كەلتىرەر بولساق، 2015 جىلى جۇزەگە اسىرىلعان زەينەتاقى تولەمدەرى مەن اۋدارىمدارىنىڭ سوماسى 141،12 ملرد تەنگە بولسا، ونىڭ ىشىندە ساقتاندىرۋ ۇيىمدارىنا اۋدارىلعانى – 24،23 ملرد تەنگە بولعان.
اۋديتتەن وتكەن قارجىلىق ەسەپتىلىككە سايكەس، «بجزق» اق وزىندىك كاپيتالى 76،3 ملرد تەڭگەنى قۇرادى جانە ەسەپتىك جىلدا 20،0 ملرد تەڭگەگە ارتقان. بۇل ەسەپتىك كەزەڭدەگى بولىنبەگەن پايدانىڭ ارتۋىنا بايلانىستى ورىن العان. ەسەپتىك جىلداعى سالىق سالىنعاننان كەيىنگى تازا پايدا 21 ملرد تەڭگەنى قۇرادى (2015 جىل قورىتىندىسى بويىنشا «بجزق» اق پايداسى 27،6 ملرد تەڭگەنى قۇرادى).
2017 جىلعى 1 شيرەكتە زەينەتاقى اكتيۆتەرى 153،6 ملرد تەڭگەگە ءوسىپ، 2017 جىلعى 1 ساۋىردە 6،84 ترلن تەڭگەنى قۇرادى. بارلىق زەينەتاقى جيناقتارىنىڭ نەگىزگى ۇلەسى – شامامەن 98%-ى مىندەتتى زەينەتاقى جارنالارى ەسەبىنەن قالىپتاسقان. ەسەپتىك شيرەك كەزەڭدە 87،4 مىڭ جزش اشىلدى.
2017 جىلعى العاشقى ءۇش ايدا تازا ينۆەستيسيالىق تابىستىڭ سوماسى 51،45 ملرد تەڭگەنى قۇرادى.
2017 جىلعى قاڭتار-ناۋرىزدا بجزق تولەمدەرىنىڭ سوماسى 77،35 ملرد تەڭگەگە تەڭ بولدى، ونىڭ ىشىندە ساقتاندىرۋ ۇيىمدارىنا اۋدارىمدار 6،04 ملرد تەڭگە.
2016 جىلى اقپاراتتى اۆتوماتتاندىرىلعان قورعاۋ بويىنشا جۇمىستار كۇشەيتىلدى. قور قازاقستاندا العاشقىلاردىڭ ءبىرى بولىپ قوردىڭ ەسەپتىك مالىمەتتەر بازاسىندا ساقتالاتىن كونفيدەنسيالدى اقپاراتتىڭ شىعىپ كەتۋىن بولدىرماۋعا ارنالعان كريپتوبد مالىمەتتەر بازاسىن شيفرلەۋ جۇيەسىن ەنگىزدى. «ەرنست ەند يانگ – كەڭەس بەرۋ قىزمەتتەرى» ج ش س تاۋەلسىز حالىقارالىق ۇيىمى جۇرگىزگەن تەحنيكالىق اۋديت قاۋىپسىزدىك جۇيەسىنىڭ حالىقارالىق ستاندارتتارعا سايكەس كەلەتىنىن راستادى. بريتانيالىق ستاندارتتار ينستيتۋتىنىڭ (BSI) اۋديتىمەن راستالعان «سالىمشىلاردىڭ جەكە زەينەتاقى شوتتارىنا جارنالار اۋدارۋ جانە تابىستاردى ءبولۋ ۇدەرىسى» ارەكەتى سالاسى بويىنشا ISO/IEC 27001:2013 حالىقارالىق ستاندارتى بويىنشا سەرتيفيكاتتاۋ جۇرگىزىلدى.
2016 جىلى بجزق كورپوراتيۆتىك سايتىندا نەمەسە ENPF ۇيالى قوسىمشاسى ارقىلى سالىمشىنىڭ جەكە كابينەتىنە تەك لوگين مەن پارول ارقىلى عانا ەمەس، سونداي-اق، ەلەكتروندىق-سيفرلىق قولتاڭبانى دا قولدانىپ ەنۋىنە مۇمكىندىك اشىلدى. بۇل جەكە زەينەتاقى شوتىنىڭ جاي-كۇيى تۋرالى اقپاراتتى الۋدى ايتارلىقتاي جەڭىلدەتەدى. سونداي-اق، قوردىڭ بايلانىس ورتالىعىنا 1418 قىسقا نومەرى ارقىلى حابارلاسۋ مۇمكىندىگى پايدا بولىپ، سالىمشىلاردىڭ زەينەتاقى جۇيەسى تۋرالى كەز-كەلگەن ماسەلە بويىنشا كەڭەس الۋىن جەڭىلدەتتى. بۇدان بولەك، اۆتوماتتى رەجيمدە جاۋاپتار الۋعا بولاتىن ءجيى قويىلاتىن سۇراقتاردى قامتيتىن IVRء-مازىرى ارقاسىندا بايلانىس ورتالىعىنىڭ قىزمەتتەرى تاۋلىگىنە 24 ساعات قولجەتىمدى بولدى. 2016 جىلى زەينەتاقى جيناقتارىن الۋشىلارعا ولاردىڭ زەينەتاقى تولەمدەرىنىڭ ستاتۋسى تۋرالى سمس-حابارلامالار كەلە باستادى.
سونىمەن قاتار، حالىقتىڭ الەۋمەتتىك تۇرعىدان وسال توپتارىن قولداۋ ءۇشىن، مۇمكىندىگى شەكتەۋلى ادامدارعا اقپاراتتىق-كەڭەس بەرۋ كومەگىن كورسەتۋ ءۇشىن «موبيلدىك كەڭسە» قىزمەتى جەتىلدىرىلدى. تەك 2016 جىلى قور فيليالدارى قىزمەتكەرلەرى 15 673 الۋشىمەن بايلانىس ورناتىپ، 2017 جىلعى 1 شيرەك كەزەڭدە قور فيليالدارى 4 047 سالىمشىعا (الۋشىعا) قىزمەت كورسەتتى.
2017 جىلى قور الدىنا جاڭا مىندەتتەر قويىلدى. «بجزق» اق باسقارما ءتورايىمى ءنۇربۇبى ناۋرىزبايەۆا اتاپ وتكەندەي، بجزق جۇمىسىنىڭ باستى قاعيدالارى قور سالىمشىلارى مەن زەينەتاقى تولەمدەرىن الۋشىلاردىڭ كوزقاراستارىن قورعاۋ مەن قامقور بولۋ، قىزمەت اشىقتىعىن ارتتىرۋ جانە ىشكى باقىلاۋ جۇيەسىن كۇشەيتۋ بولىپ تابىلادى.
2017 جىلعى ءبىرىنشى شيرەكتە قوردىڭ ىشكى ۇدەرىستەرىن قايتا قاراۋ بويىنشا اۋقىمدى جۇمىس جۇرگىزىلىپ، ىشكى باقىلاۋ مەن تاۋەكەلدەردى باسقارۋ ۇدەرىستەرى كۇشەيتىلدى، قوردىڭ بارلىق فيليالدارىندا ىشكى اۋديتورلار ەنگىزىلدى. شىعىنداردى قىسقارتىپ، قىزمەت تيىمدىلىگى مەن كورسەتىلەتىن قىزمەت ساپاسىن ارتتىرۋ ماقساتىندا قوردىڭ قۇرىلىمى وڭتايلاندىرىلدى: ءتيىمسىز جانە ءبىر-بىرىن قايتالايتىن بيزنەس-ۇدەرىستەر الىنىپ تاستالدى.
قور قىزمەتىنىڭ اشىقتىعىن ارتتىرۋ جانە حالىقپەن ءوزارا قىزمەتتى جاقسارتۋ ءۇشىن 2017 جىلعى ءبىرىنشى شيرەكتە بجزق جانىندا قوعامدىق كەڭەس قالىپتاسىپ، جەتەكشى قارجىگەرلەر، جۋرناليستەر، قوعامدىق ۇيىمدار وكىلدەرى، بلوگەرلەر مەن قاتارداعى سالىمشىلار (الۋشىلار) ونىڭ مۇشەلەرى بولدى. بجزق رەسمي سايتىندا اقپارات الۋدىڭ قوسىمشا ارنالارى اشىلىپ، كەز-كەلگەن ادامعا وزىنە قاجەتتى اقپاراتتى جەكەلەي جانە توپ ىشىندە الۋىنا مۇمكىندىك بەرەتىن «باسقارما ءتورايىمىنىڭ بلوگى» جانە «قوعامدىق قابىلداۋ» ەنگىزىلدى.
بۇدان بولەك، 2017 جىلعى ءۇش ايدا الەۋمەتتىك، زەينەتاقى جانە مەديسينالىق قامسىزداندىرۋ ماسەلەلەرى بويىنشا بجزق كاسىپورىندار مەن ۇيىمداردا 317 پرەزەنتاسيا وتكىزىپ، ولارعا 11 مىڭنان استام ادام قاتىستى.
2017 جىلعى 31 ناۋرىزدا بجزق تاعى ءبىر باستامانى قولعا الىپ، اشىق ەسىك كۇنىن وتكىزدى. 1،5 مىڭنان استام ادام قاتىسقان مۇنداي ءبىرىنشى شارا قوردىڭ بارلىق فيليالدارىندا 31 ناۋرىز كۇنى ءوتتى. ءبىرىڭعاي جيناقتاۋشى زەينەتاقى قورى اشىق ەسىك كۇنىن شيرەك جىل سايىن وتكىزۋدى جوسپارلاپ وتىر.
ايتا كەتۋ كەرەك، اقپارات الۋدىڭ ەلەكتروندىق ءتاسىلىن قولدانۋشىلار سانى جىل باسىنان بەرى 400 مىڭ ادامعا ارتتى. 2017 جىلعى 1 ساۋىردە 3،2 ميلليوننان استام ادام زەينەتاقى شوتىنىڭ جاي-كۇيى تۋرالى اقپارات الۋ ءتاسىلى رەتىندە اقپاراتتانۋدىڭ ەلەكتروندىق ءتاسىلىن تاڭداعان. وسىلايشا، 196 مىڭعا جۋىق ادام ەلەكتروندىق مەكەن-جايىنا ۇزىندى-كوشىرمە الىپ، 3 ميلليونعا جۋىق ادام سايت جانە ءتۇرلى وپەراسيالىق جۇيەلەردە جۇمىس ىستەيتىن سمارتفوندار مەن پلانشەتتەرگە ارنالعان ۇيالى قوسىمشا ارقىلى اقپارات الۋ مۇمكىندىگىنە يە.
كورسەتىلەتىن قىزمەتتەردىڭ قولجەتىمدىلىگى مەن قولايلىلىعىن ارتتىرۋ ءۇشىن 2017 جىلعى 1 شىلدەگە دەيىن جاڭا ەلەكتروندىق قىزمەتتەر ەنگىزىلەدى: زەينەتاقى جارنالارى ەسەبى بويىنشا جەكە زەينەتاقى شوتتارىن اشۋ جانە بجزق سايتىندا جەكە كابينەت ارقىلى زەينەتاقى تولەمدەرىن تاعايىنداۋ تۋرالى ءوتىنىش بەرۋ. بۇل ءوتىنىشتىڭ ورىندالۋ ستاتۋسى تۋرالى الۋشى سمس-حابارلاما الۋ ارقىلى حابارلانادى. اعىمداعى جىل سوڭىنا دەيىن اتالعان قىزمەتتەردى ەلەكتروندىق ۇكىمەت پورتالى ارقىلى ەنگىزۋ جوسپارلانۋدا.
بۇدان بولەك، «ەلەكتروندىق بجزق» جوباسىنىڭ اياسىندا وز-وزىنە قىزمەت كورسەتۋ تەرمينالدارى مەن VTM-تەرمينالدارىن پايدالانۋعا بەرۋ جوسپارلانعان. VTM-تەرمينالدار – سالىمشىنىڭ قور قىزمەتكەرلەرىمەن ينتەراكتيۆتى تىلدەسۋ جۇيەسى بولىپ تابىلادى. ولار سالىمشىعا ءتۇرلى اقپارات الۋعا، سونداي-اق، قور قىزمەتكەرىنىڭ قاشىقتىقتان كورسەتىلەتىن قىزمەتى (قاشىقتىقتان باسقارۋ وپەراسيالىق ورتالىعى) ارقىلى جزش اشۋعا ءوتىنىش بەرۋ، شوتتىڭ جاي-كۇيىن ءبىلۋ، تولەم الۋعا ءوتىنىش بەرۋ قىزمەتتەرىن قولدانۋىنا مۇمكىندىك بەرەتىن ەكرانى بار اپپاراتتان تۇرادى. بجزق قىزمەت كورسەتۋ ورتالىقتارىندا تاجىريبەلىك پايدالانۋدان كەيىن، سالىمشىلار مەن الۋشىلار بجزق قىزمەتتەرىن ونىڭ كەڭسەلەرىنەن تىس جەرلەردە قولدانا الۋى ءۇشىن ولاردى قوعامدىق ورىنداردا – بانكتەر، ساۋدا ۇيلەرىندە ورنالاستىرۋ جوسپارلانۋدا.