رەسەيدىڭ اقپارات كوزدەرى سيريا تەرريتورياسىندا العاش رەت گەورگيي لەنتاسىن تاققان «پاتريوتتىق» اكسيا باستالدى دەپ جالاۋلاتا جازدى. بۇل تۋرالى قامشى اقپاراتتىق اگەنتتىگى حابارلايدى.
گەورگيي باۋىن تاعۋدى «رەسەي بۇگىن» اتتى مەديا توپتىڭ شامداعى بيۋروسى سيريا ستۋدەنتتەر وداعى مەن سيرياداعى سوعىسقانداردى تاتۋلاستىرۋ ورتالىعىندا ۇيىمداستىرعان.
«ءبىز ءۇشىن جەڭىستىڭ سيمۆولى ماڭىزدى. ءبىز ونى بىلەمىز ءارى ماقتان تۇتامىز. سىزدەردەگى ءفاشيزمدى جەڭگەن سيمۆول سياقتى ءبىزدىڭ دە تەرروريزمدى جەڭىس سيمۆولىمىز بولادى. رەسەيدىڭ كومەگىمەن ءبىز جەڭەمىز»، — دەپ قاداي ايتقان داماسك ۋنيۆەرسيتەتىنىڭ ورىس ءتىلى كافەدراسى باسشىسى مامدۋح ابۋ-ال-لۋۆەي.
ەستەرىڭىزگە سالساق، ۋكرايناداعى 2014 جىلعى ساياسي جاعداي كەزىندە قىرىمدى اننەكسيالاعىن رەسەي گەورگيي باۋىن ناسيحاتتاي باستادى. گەورگيي باۋى قازاقستاندا حالىقتىڭ نارازىلىعىن تۋعىزىپ، تىيىم سالىنعان ەدى. وعان بالاما رەتىندە قازاقستاندا مەملەكەتتىك تۋ تۇستەس تاسپا قولدانىسقا ەنگەن.
سونداي-اق، ۋكراينا راداسىندا دا گەورگيي باۋىنا بايلانىستى داۋ تۋعان بولاتىن.