تۇركى جازبالارى مەن مادەنيەتى كۇندەرىنە ارنالعان حالىقارالىق عىلىمي-پراكتيكالىق كونفەرەنسيا وتەدى

    Assem Almuhanbet
    تۇركى جازبالارى مەن مادەنيەتى كۇندەرىنە ارنالعان حالىقارالىق عىلىمي-پراكتيكالىق كونفەرەنسيا وتەدى

    قازاقستان رەسپۋبليكاسى مادەنيەت جانە سپورت مينيسترلىگى                تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسى بويىنشا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى جانە احمەت بايتۇرسىن ۇلى اتىنداعى   ءتىل ءبىلىمى ينستيتۋتىنىڭ ۇيىمداستىرۋىمەن اعىمداعى جىلعى 27 ساۋىردە الماتى قالاسىندا «تۇركى جازبالارى مەن مادەنيەتى كۇندەرى ءىس-شاراسى اياسىندا «تامىرى تەرەڭ ءالىپبي: جالپىتۇركىلىك بىرەگەيلىكتىڭ مىزعىماس نەگىزى» اتتى حالىقارالىق عىلىمي-پراكتيكالىق كونفەرەنسيا وتكىزىلەدى.

             حالىقارالىق عىلىمي-پراكتيكالىق كونفەرەنسيا ۇلتتىق-رۋحاني تامىردان ءنار العان ۇلتتىق جاڭعىرۋدىڭ قاينارى - تۇركى جازۋىنىڭ وتكەنى مەن بۇگىنىن زەردەلەۋدى ماقسات ەتەدى. سونىمەن قاتار وتاندىق جانە شەتەلدىك  تۇركىتانۋشى-عالىمدار ءوزارا تاجىريبە الماسا وتىرىپ، تۇركى جازبا مۇرالارىن زەرتتەۋدە سوڭعى جىلدارى قول جەتكىزگەن عىلىمي تابىستار باياندالادى، تۇركى جازبالارىن زەردەلەۋدەگى وزەكتى ماسەلەلەردى شەشۋدىڭ  ءتيىمدى جولدارىن قاراستىرۋ كوزدەلەدى.

    حالىقارالىق عىلىمي-پراكتيكالىق كونفەرەنسياعا وتاندىق جانە شەتەلدىك (اقش، تۇركيا، ورتا ازيا ەلدەرى) تۇركىتانۋشى-عالىمدار،  قوعامدىق جانە گۋمانيتارلىق باعىتتاعى عىلىمي-زەرتتەۋ ينستيتۋتتارىنىڭ قىزمەتكەرلەرى، جوو-نىڭ وقىتۋشى-پروفەسسورلارى، جاس زەرتتەۋشىلەر، زيالى قاۋىم جانە ب ا ق وكىلدەرى قاتىسادى.

             ءىس-شارا تۇركى مادەنيەتى مەن ونەرىنە ارنالعان مەرەكەلىك كونسەرتپەن اياقتالادى.

    الماتى قالاسى، قازاقستان حالقى اسسامبلەياسىنىڭ دوستىق ءۇيى،

    قۇرمانعازى كوشەسى، 40.

     

    «عىلىم ورداسى» رمك-نىڭ ۇلكەن كونسەرتتىك زالى

    قۇرمانعازى كوشەسى، 29.

     

    27 ءساۋىر 2017 جىل

    ساعات 10.00 – 13.00

         

     

    ساعات 18.00 – 20.00

     

     

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025