قايعىلى وقيعا ماحامبەت اۋىلىندا ورىن العان. كىشكەنتاي ءبۇلدىرشىن باقسا بالالارمەن بىرگە ورال جاعاسىنىڭ قۇلاما جارىندا ويناپ جۇرگەن. كەنەتتەن جەر وپىرىلىپ، 2،5 جاسار بالا سۋعا ءتۇسىپ كەتتى. ول تۇنشىعىپ، باتىپ كەتتى، دەپ حابارلايدى قامشى اقپاراتتىق اگەنتتىگى وڭىرلىك موي گورود باسىلىمىنا سىلتەمە جاساپ.
«وقيعا ورنىنا ءبىزدىڭ اۋداندىق بولىمشەنىڭ ءۇش قىزمەتكەرى باردى. ساعات 10.25-تە بالانىڭ دەنەسى سۋدان شىعارىلدى»، — دەپ حابارلادى باسىلىمعا "زراوسو" مم جەتەكشىسى باقتيار قادىرحانوۆ.
وقيعانىڭ كۋاگەرى بولعان جەرگىلىكتى تۇرعىن قۇتقارۋشىلاردى شاقىرعان.
«ەر ادام بالالاردىڭ جان داۋىسىن ەستىپ، ءبۇلدىرشىندى قاتتى اعىس وزەننىڭ ورتاسىنا الىپ بارا جاتقانىن كورەدى. ءبىزدىڭ بەكەت ول جەردەن شامامەن 500 مەتردە ورنالاسقان. قۇتقارۋشىلار موتور قايىعىمەن بارىپ، بالانى الىپ شىعىپ، قۇتقارماق بولادى، وكىنىشكە قاراي، كەشىگىپ قالدى»، — دەدى قادىرحانوۆ.