تارازدىق جىگىتتەر شاتاسىپ، كۇيەۋى بار ايەلدى الىپ قاشىپ كەتكەن

    Nazerke Musa
    تارازدىق جىگىتتەر شاتاسىپ، كۇيەۋى بار ايەلدى الىپ قاشىپ كەتكەن

    بابالارىنىڭ داستۇرلەرى كەز كەلگەن مەملەكەتتىڭ اجىراماس تاريحى بولىپ تابىلادى، ولاردى ساقتاۋ، قادىرلەپ قاستەرلەۋ ءاربىر ازاماتتىڭ مىندەتى.

    ۇرپاقتان ۇرپاققا جالعاسىپ كەلە جاتقان كوپتەگەن ادەمى داستۇرلەر قازاق حالقىندا دا ساقتالعان، الايدا قازىرگى تاڭدا كوپتەگەن جاستار كەيبىرىنىڭ ماعىناسىن دۇرىس تۇسىنبەيدى.

     08.11.2016 جىلى ساعات 17:00 شامالارىندا تاراز قالاسىندا ءبىر توپ جاس بالالار قىزعا كۇش قولدانىپ، ونىڭ ەركىنەن تىس ۇيلەنۋ ماقساتىندا «ميتسۋبيسي حاريزما» اۆتوكولىگىنە وتىرعىزىپ ت. رىسقۇلوۆ اۋدانىنا الىپ كەتكەن دەپ حابارلايدى قامشى اقپاراتتىق اگەنتتىگى جامبىل وبلىسى پروكۋراتۋراسىنىڭ بۇقارالىق-قىزمەتىنە سىلتەمە جاساي وتىرىپ.

    كەلىنشەكتىڭ كوز جاسى ولاردى توقتاتا المادى، سول مەزەتتە ول ءتىپتى تۇرمىستا قۇرىپ قويعان، بۇل تۋرالى ول الىپ قاشۋشىلارعا دا ايتقان، الايدا ولار قىزعا سەنبەي ونى ءارى قاراي ت. رىسقۇلوۆ اۋدانىنا الىپ كەتە بەرگەن.

     اياعىندا وسى جاس جىگىتتەرگە قاتىستى سدتبت-نە ق ر قك-نىڭ 125 بابىنىڭ 2 بولىگى 1 تارماعىمەن قىلمىستىق ءىس تىركەلىپ، باستاماشى بولعان «كۇيەۋجىگىت» 7 جىلعا باس بوستاندىعىنان ايىرىلعان.

    تەرگەۋ بارىسىندا، كورسەتىلگەن ازاماتتار باسقا قىزدى الىپ قاشۋ ءۇشىن بارعاندىعى جانە ابايسىزدا تۇرمىس قۇرعان قىزدى الىپ قاشقاندىعى انىقتالعان، ياعني «كۇيەۋجىگىت» ءوزىنىڭ بولاشاق جارىن مۇلدەم كورمەگەن دە.

    «وكىنىشكە وراي جامبىل وبلىسىندا ءالى دە بولسا «قالىڭدىقتى ۇرلاۋ» كوزىن جويماعان، بۇل ءتىپتى قىزداردىڭ كەلىسىمىنسىز دە جاسالىپ جاتادى» - دەپ كورسەتتى جامبىل وبلىسىنىڭ پروكۋرورى ەرنات سىبانقۇلوۆ.

    ەڭ وكىنىشتىسى، وسىنداي جاعدايعا تاپ بولعان قىزدار، «وتباسىنىڭ ابىرويىن» تۇسىرۋدەن قورقىپ، تۇرمىس قۇرۋعا ءماجبۇر بولادى، ءتىپتى بۇرىن كورمەگەن، تانىمايتىن ازاماتپەن دە.

    «مۇنداي تۇرمىس قۇرۋدىڭ قورىتىندىسى – كەيبىر وتباسىلار ءبىراز ۋاقىت وتكەننەن كەيىن ىدىرايدى، ال باسقالارىندا ايەلدەر «كۇڭنىڭ» كۇنىن كەشۋگە ءماجبۇر» - دەپ حابارلادى وبلىس پروكۋرورى.

    باسقا مىسال، وتكەن جىلدىڭ قىركۇيەك ايىندا بايزاق اۋدانىنىڭ تۇرعىنى كۇش قولدانىپ، 1992 جىلى تۋىلعان ازاماتشانى ۇرلاپ كەتىپ، كەيىننەن پوليسيا قىزمەتكەرلەرىمەن تۇتقىندالدى.

    تەرگەۋ بارىسىندا كورسەتىلگەن ازامات وسىدان توعىز اي بۇرىن قىزدى ۇيلەنۋ ماقساتىندا ۇرلاعاندىعى، قىزدىڭ تۋىسقاندارى ونى ءوز كۇشتەرىمەن الىپ كەتكەندىگى، ءبىراق بۇل دەرەك بويىنشا پوليسياعا ارىز بەرمەگەندەرى انىقتالدى.

    ەڭ باستى سوراعىسى، «بولماي قالعان كۇيەۋجىگىت» اسكەري قىزمەتكەر بولعان، ياعني ابدەن جەتكىلىكتى ءبىلىمدى ازامات وسىعان بارعان، قازىرگى تاڭدا سوڭعىسىنا قاتىستى قىلمىستىق ءىس سوت قاراۋىندا، بۇل اسكەري قىزمەتكەر ءوزىنىڭ مانسابىنا بالتا شابۋمەن قاتار، ناقتى باس بوستاندىعىنان ايىرىلۋى مۇمكىن.

    قىز بالانىڭ ەركىنەن تىس، نەكە قۇرۋعا ماجبۇرلەۋ ءبىزدىڭ داستۇرىمىزگە جانە دىنىمىزگە جات نارسە بولىپ تابىلادى، سونىمەن قاتار، زاڭعا قايشى  جانە بۇل مۇشكىل جاعايداعا الىپ كەلۋى مۇمكىن.

    ەلباسى  نۇرسۇلتان ءابىش ۇلى نازاربايەۆ ءوز سوزىندە، مۇسىلمان حالقى ارالارىندا جانە جالپى شىعىستا ايەل زاتىن جوعارى قۇرمەتتەيتىن، سىيلايتىن ءبىزدىڭ قازاق حالقىنان باسقا بالكىم حالىق تابىلمايدى دەپ اتاپ كەتكەن.

    وسىعان وراي، ءبىز جاستار اراسىندا قىز بالالاردى ءوز ەركىنەن تىس الىپ قاشۋ، ءتىپتى ول ىس-ارەكەتتەرىن «بەكزاتتى ماقساتتا» جاسالادى دەپ ويلاعان  جاستارعا، ونىڭ قىلمىس ەكەنى، جاستاردىڭ مۇنداي ويلانباعان ارەكەتتەر جاساۋدان ساقتاۋ، سونىمەن قاتار ول ارەكەتتەر وزدەرىنىڭ جانە وزگە ادامنىڭ ءومىرىنىڭ شىرقىن بۇزاتىنى تۋرالى زاڭ تۇسىندىرمە جۇمىستارىن جۇرگىزۋدى دۇرىس دەپ سانادىق.              

     

            

     

     

     

     

     

     

     

     

     

     

     

     

     

     

     

     

     

     

     

     

     

     

    قاتىستى ماقالالار