جايلى ءومىر ءۇشىن ادامعا نە كەرەك؟ قوماقتى قارجى ما؟ ۇلكەن پاتەر مەن ءۇي مە؟ مۇمكىن كەڭ اسحانا مەن ادەمى كيىم شىعار؟

تەحاس ۋنيۆەرسيتەتىنىڭ پروفەسسورى دجەفف ۋيلسون ءۇشىن مۇنىڭ بارلىعى ماڭىزدى ەمەس. پروفەسسور قولداعى باردان باس تارتىپ تا جاقسى ءومىر سۇرۋگە بولادى دەپ ەسەپتەيدى. ول ءوز ويىن تاجىريبە جۇزىندە دالەلدەۋگە تىرىستى.

بىرنەشە جىل بۇرىن ۋيلسون ۇلكەن ۇيدە تۇرعان. اجىراسقاننان كەيىن جالدامالى پاتەرگە كوشەدى. ول بۇرىنعى ۇيىنەن بەس ەسە كىشكەنتاي. سول كەزدە-اق ول قوقىس سالاتىن كونتەينەرگە كوشۋدى ويلاپ جۇرگەن.

ءۇيدىڭ پاتەر اقىسىن تولەيتىن ۋاقىت جەتكەندە ۋيلسون زاتتارىن ساتىپ، تەك ءبىر شامادان كيىمدى عانا قالدىرعان. جەتى اي بويى ول كابينەتىندە تۇنەپ جۇرگەن.

2014 جىلى دجەفف قوقىس سالاتىن كونتەينەرگە  كوشتى. وندا ەشقانداي جاعداي جاسالماعان. العاشقى التى ايدا ول قوراپتاردىڭ ۇستىندە ۇيىقتادى. ەڭ الدىمەن بولمەسىنە جەلدەتكىش ورناتتى. سەبەبى كۇندىز كونتەينەر 55 گرادۋسقا دەيىن قىزاتىن. كەلەسى كەزەكتە قابىرعالاردى بوياۋ، ەدەن جاساۋ بولدى. ۋاقىت وتە كەلە كونتەينەردىڭ ءسانى كىرە باستادى.

دجەفف ماتراس پەن جاستىقتاردان توسەك جاسادى. ءقازىر كونتەينەردىڭ قوقىس سالاتىن جاشىك ەكەنىنە سەنۋ قيىن. ءقازىر وندا ومىرگە قاجەتتىنىڭ بارلىعى بار. ياعني كارىز جۇيەسى، ەلەكتر توعى، تاماق دايىنداۋعا ارنالعان پەش جانە ت.ب.  

تەحاس ۋنيۆەرسيتەتىنىڭ پروفەسسورى ادامدارعا قوقىس سالاتىن كونتەينەرلەرگە كوشۋگە شاقىرمايدى. دجەففتىڭ ايتپاعى كوپ ورىندى الماي-اق، سۋ مەن توقتى ۇنەمدەپ، قالدىقتاردى از قالدىرۋعا بولاتىنىن كورسەتۋ جانە ەڭ باستىسى  جاقسى ءومىر ءۇشىن جاعدايدى ادامنىڭ ءوزى جاساي الاتىنىن ايتادى.