جاساندى ءجاتىر-ومىردى ساقتاۋ جۇيەسىنىڭ باستى ماقساتى-ۇرىقتىڭ وكپە جولدارىنىڭ دۇرىس جەتىلۋىن قامتاماسىز ەتۋ. عالىمدار جاساندى جاتىردى جەتىلمەي قالعان، كۇنى جەتپەي شالا تۋىلعان بالالاردىڭ ءومىرىن قالىپتا ۇستاۋ ماقساتىندا ويلاپ تاپقان. بۇل تۋرالى قامشى اقپاراتتىق اگەنتتىگى  حابارلايدى. بۇل جۇيە تەستىلەۋدەن ءوتىپ، قوزىلارعا جاسالعان تاجىريبە نەگىزىندە پايدالى ەكەندىگى دالەلدەندى.  ادامدارعا تاجىريبە جۇرگىزۋ ەكى-ۇش جىلدان كەيىن جۇزەگە اسىرىلادى دەپ جوسپارلانۋدا.

ستاتيستيكاعا سۇيەنسەك، 23 اپتادان كەم مەرزىمدە دۇنيەگە كەلگەن شالا سابيلەردىڭ  ومىرشەڭدىگى 15% قۇرايدى ەكەن.

پلاستيكالىق «جاتىر-سومكە»  جىلى سۋ مەن تۇزدان تۇرادى. تابيعي جاعدايداعى ەمبريونعا قاجەتتى نارسەلەرمەن قامتاماسىز ەتىلگەن. ستاندارتتى ينكۋباتورلاردا شالا تۋىلعان بالالار كوپ جاعدايدا شەتىنەپ كەتىپ جاتادى. ونىڭ سەبەبى - وكپەگە تۇسكەن ينفەكسيانىڭ كەسىرى.

بۇل  «جاتىر-سومكە» سالىنعان قوزى وتتەگىمەن  پلاسەنتا ارقىلى تىنىس الا المايدى. الايدا، وسى نارسەلەردى ۇرىققا جەتكىزۋ پروسەسىن جۇزەگە اسىراتىن ارنايى اپپارات  بار. باستى ماقسات- ءالسىز ورگانيزمنىڭ وكپە، برونح جولدارىنىڭ جەتىلۋىن قامتاماسىز ەتۋ.