عالامتوردا رف باسشىسى پۋتين مىرزا جايلى سۇمدىق مۋلتفيلم پايدا بولدى دەپ حابارلايدى قامشى اقپاراتتىق اگەنتتىگى. سوڭعى كەزدە كورشى مەملەكەتتەگى جاعداي، الەۋمەتتىك، پسيحولوگيالىق اۋا-رايى جاقسى ەمەس ەكەندىگىن بىلەمىز. رەسەيلىكتەردىڭ اراسىندا ءپۋتيننىڭ تاقتا وتىرۋىنا نارازىلىق تانىتىپ جۇرگەندەر بارشىلىق. جاقىندا عانا «نادوەل» دەگەن اكسيانىڭ ۇيىمداستىرىلۋى دا سونىڭ ايعاعى.

العاشىندا فەيسبۋكتە تارالعان مىنا ۆيدەو بۇگىندە بۇكىل عالامتورعا تارالىپ ۇلگەردى. بىزدەگى بار اقپارات بويىنشا ونى بىرنەشە كۇننىڭ ىشىندە 152 000 كورىپ ۇلگەرگەن. ەرەسەكتەرگە ارنالعان ءمۋلتفيلمنىڭ نەگىزگى كەيىپكەرلەرى رف پرەزيدەنتى ۆلاديمير پۋتين مەن ايەل وبرازىنداعى رەسەي مەملەكەتى. «ۇلكەن جانە كىشكەنتاي» دەپ اتالاتىن بۇل ۆيدەو 1999 جىلى بيلىك باسىنا كەلگەن ءپۋتيندى سىناۋدى ماقسات تۇتقان. ۆيدەو اۆتورلارى ءپۋتيندى حالىقتىڭ قاناۋشىسى، رەسەيدى زورلاۋشى ازامات رەتىندە كورسەتكەن. سەكسۋالدى حاراكتەردەگى اتالمىش دۇنيە ادامدى جيىركەندىرمەي قويمايدى، ايتپاعىمىز، يدەيا اۆتورى الدارىنا قويعان ماقساتقا جەتكەن. ءمۋلتفيلمدى كورگەندەر ءپۋتيندى جاقتاۋشىلار مەن سىناۋشىلار بولىپ قاق ءبولىندى. استىنداعى پىكىرلەردى وقي وتىرىپ، كورشىلەرىمىزدىڭ ءبىر وزگەرىس قالاپ جۇرگەندەرىن بايقاۋعا بولادى.