مۇسىلمان بالالارىنىڭ كوپتىگىن ايتقان فرانسيانىڭ بەزە قالاسىنىڭ مەرىنە (اكىمىنە-رەد.) ايىپپۇل سالىندى دەپ حابارلايدى قامشى اقپاراتتىق اگەنتتىگى.

ءپاريجدىڭ سوتى مۇسىلمان بالالارىنىڭ كوپتىگىن ايتىپ، ۇلتارالىق الاۋىزدىق تۋعىزعان روبەرت مەنارعا ەكى مىڭ ەۋرو ايىپپۇل تاقتى.

ايتىلعان ءسوزدىڭ اتىلعان وق ەكەندىگىن بىلەمىز. ابايلاپ، جان-جاعىنا قارايلاماي، اڭدايسىز ايتا سالعان مەناردىڭ ەكى مالىمدەمەسى ونىڭ سوتتان ءبىراق شىعۋىنا سەبەپكەر بولدى. انىعىن ايتقاندا، اتالمىش ازامات 2016 جىلدىڭ 1ء-شى قىركۇيەگىندە «تۆيتتەر» الەۋمەتتىك جەلىسىندە مەكتەپتە حريستيان بالالارىنان قاراعاندا مۇسىلمان بالالارى كوپ دەگەن جازبا قالدىرعان.

5 قىرقۇيەكتە مەنار LCI تەلەارناسىندا «مەنىڭ قالامدا بالالاردىڭ  91%-ى مۇسىلمان. بۇل ۇلكەن ماسەلە. شىدامدىلىقتىڭ شەگى بار دەپ»،- ءوز پىكىرىن ءبىلدىرىپتى.

2012 جىلدىڭ رەسمي مالىمەتتەرىنە سايكەس، بەزە قالاسىنىڭ 12،5%-ى يمميگرانتتار، 22%-ى سولتۇستىك افريكا جانە تۇركيادان شىققان 18 جاسقا تولماعان جاسوسپىرىمدەر.

ەكى مىڭ ەۋرو ايىپپۇل تولەيتىن بەزە قالاسىنىڭ اكىمى ەندىگارى ۇلتارازدىق كيكىلجىڭ تۋىنداتقىزاتىن مالىمدەمە جاسامايدى دەگەن ۇمىتتەمىز.