نايزاعاي-تابيعات قۇبىلىسى. كوپشىلىگى بۇل قۇبىلىستى تيىسىنشە باعالاماي جاتادى. وسىعان بايلانىستى نايزاعاي سوعىپ قازا تاۋىپ جاتقاندار سانى كۇننەن-كۇنگە كوبەيۋدە. نايزاعاي ۋاقىتىندا قانداي دا ءبىر جاراقات الىپ ونىڭ قۇربانىنا اينالماس ءۇشىن تومەندەگى ەرەجەلەردى ساقتاعان ءجون. نايزاعاي تۋرالى تانىمدىق دەرەكتەردى  قامشى اقپاراتتىق اگەنتتىگى وقىرمان نازارىنا ۇسىنادى.

نايزاعايدىڭ سىزدەن قانشالىقتى قاشىقتىقتا ورنالاسقانىن بايقاۋ ءۇشىن جارقىل تۇسكەن اۋماق پەن كۇن كۇركىرەپ جاتقان اۋماققا ءمان بەرۋ كەرەك. ەگەر اراسى 5 سەكۋند بولسا –ءقاۋىپسىز جەرگە ورنالاسىپ ۇلگەرۋگە مۇمكىندىك بار. ەگەر ەكەۋىنىڭ اراسى جاقىن بولسا تەز ارادا ءقاۋىپسىز جەرگە تىعىلۋ كەرەك.

ەگەر عيمارات، ءۇي ىشىندە بولساڭىز، كومپيۋتەر، تەلەديدار سياقتى تەحنيكا زاتتارىن ءوشىرۋ كەرەك. ەسىكتەر مەن تەرەزەلەر جابىلۋ قاجەت. نايزاعاي ۋاقىتىندا اسىرەسە، ءۇيىڭىز اۋىل-ايماقتاردا ورنالاسقان بولسا سۋعا تۇسۋدەن باس تارتقان دۇرىس. وت جاقپاعان دۇرىس. قۇبىردان شىققان ءتۇتىن  ەلەكتر توگىن وتكىزگىش كەلەدى.

دالادا بولساڭىز

سۋدان، مەتاللدان اۋلاق بولعان دۇرىس.

اعاشتان، سۋى بار وزەن، كانالداردان الىسىراق ورنالاسۋ كەرەك.  ەگەر جان-جاعىڭىزدا بۇتاق، تۇپتەر بولماسا جۇرەسىنەن وتىرۋ كەرەك.

ۇيالى تەلەفونداردىڭ نايزاعاي ۋاقىتىندا تيگىزەتىن ءقاۋپى تۋرالى ناقىت زەرتتەلمەسە دە تەلەفوندى  ءوشىرىپ قويعان دۇرىس.

ەگەر اۆتوكولىك ىشىندە بولساڭىز

اۆتوكولىك نەگىزىنەن العاندا ءقاۋىپسىز جەر. ەڭ باستىسى ونى اشىق جەرگە قويىپ، ەسىك، تەرەزەسىن جاۋىپ قويۋ كەرەك.  كولىك ىشىندەگى مەتالدى زاتتارعا تيىسپەۋ كەرەك.