"اتۋ كەرەك"، "شابۋ كەرەك"، "سوتتاۋ كەرەك"، "قۇرتۋ كەرەك"... اۋ، اعايىن نە ايتىپ كەتتىڭىزدەر... قازاقتىڭ قىرشىنداي جاستارىن سوتتاتقاندا قانداي وپا تاپپاقسىزدار؟ ءوزىڭ تۇزەتە الماعان قيسىق بۇتاقتى وتاتا بەرسەڭ ورماننىڭ ورنىنا قۋ تاقىر قالار. ونسىز دا از وتالعان جوق قوي... كىشى جۇزگە جابىلا كەتكەن "قىرىپسال" مىنەزدى كوشەدە كولاراد تاسپاسىن تاعىپ، "ءتورتىنشى ءجۇز" بولىپ جۇرگەندەرگە قولدانساق قايدا قالدىق؟ "رەسەيگە" بودان بولايىق!" دەپ قولىنا يمپەريا ءتولقۇجاتىن ۇستاپ جۇرگەن تايشى تۇقىمداى توبەتتەردىڭ توبەسىن ويسا زاڭ ورىندارى قايدا قالىپتى. ال "قازاقتى باس!" دەسەڭ باس سالادى. "وزگەدەن يمەنشەك، وزىنە كۇشەنشەك". ال جاستارعا ءرۋ-جۇز دەگەننىڭ زامانىندا قازاقتىڭ ار-وجدان كودەكسى بولعانىن، "ولجابايلاپ"، "رايىمبەكتەپ"، "باقتيارلاپ" جاۋعا شابۋ ءارۋاققا سىيىنۋ ەمەس باتىر باباسىنىڭ اتاسىنىڭ اتىن اتاپ تۇرىپ جانكەشپەلىككە بارۋ ەكەنىن ۇقتىرۋ كەرەكپىز. "انا باتىردىڭ ۇرپاعى جاۋدان قاشتى!" دەگەن ءسوزدى كىمنىڭ ەستىگىسى كەلەدى دەيسىڭ؟! كەز كەلگەن جاۋگەر حالىقتىڭ جازىلماعان زاڭى بار. جاپونداردا بۋسيدو بولسا، قازاقتاردا رۋى مەن اتا-باباسى! سول بولمىس ۇستەمدىك قۇرعاندا ءبىزدىڭ بابالارىمىزدان باسقالار يمەنگەن....

سەرىك ابىكەن. (Facebook-تەگى پاراقشاسىنان الىندى)