جامبىل وبلىسىنىڭ مامانداندىرىلعان اۋدانارالىق قىلمىستىق ىستەر بويىنشا سوتىندا مەملەكەتتىك كىرىستەر دەپارتامەنتىنىڭ قىزمەتكەرلەرىنە قاتىستى سوت ۇكىمى شىقتى، - دەپ حابارلايدى قامشى اقپاراتتىق اگەنتتىگى Tengrinews.kz پورتالىنا سىلتەمە جاساپ.
سوتتالۋشىلار سانى - التى. ولاردىڭ بارلىعى جامبىل وبلىستىق ەكونوميكالىق قىلمىستار قىزمەتىنىڭ مەملەكەتتىك كىرىستەر دەپارتامەنتىنىڭ قىزمەتكەرلەرى بولعان. ولار سوت الدىندا وكىلەتتىكتى اسىرا قولدانۋ نەمەسە بيلىكتى اسىرا قولدانۋ جانە اسا ءىرى كولەمدە پارا الۋ بويىنشا جاۋاپ بەردى. جامبىل وبلىسىنىڭ قورداي اۋدانىنداعى "قاراسۋ" بەكەتىندە زاتتاي دەرەكتەر تاركىلەنگەن. ولار قىرعىزستان رەسپۋبليكاسىنىڭ جانە كحر ازاماتتارىنان قۇنى 5 868 775 115 تەڭگەلىك - حالىق تۇتىناتىن تاۋار ءۇشىن 225 مىڭ دوللار پارا تالاپ ەتكەن.
سوت ۇكىمىمەن ءتورت سوتتالۋشى جەتى جىلدان 13 جىلعا دەيىن باس بوستاندىعىنان ايىرىلدى، ولاردىڭ مۇلكى تاركىلەنىپ، مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىردى. تاعى ەكەۋىنە سۋديا بوستاندىعىن شەكتەۋ ۇكىمىن شىعاردى. ولارعا پروباسيالىق باقىلاۋ تاعايىندالدى.
