قازاقستان رەسپۋبليكاسى اۋىل شارۋاشىلىعى مينيسترلىگى جانە وعان باعىنىشتى كوميتەتتەر مەن “ۇاعو ” كوممەرسيالىق ەمەس اكسيونەرلىك قوعامى اقمولا وبلىسى اتباسار اۋدانىنداعى سۋ تاسقىنىنان زارداپ شەككەن تۇرعىندارعا 8 665 042 تەڭگە كولەمىندە اقشالاي كومەك كورسەتتى. بۇل تۋرالى قامشى اقپاراتتىق اگەنتتىگى مينيسترلىك سايتىنداعى اقپاراتقا سۇيەنىپ حابارلايدى.

كەشە مينيسترلىك وكىلدەرى اتباسارعا بارىپ، باسپاناسىن سۋ باسىپ، ارەندالىق ۇيلەر مەن ۋاقىتشا كۋپەلىك ۆاگونداردا تۇرىپ جاتقان تۇرعىندارمەن كەزدەستى.

ۇكىمەت جانە جەرگىلىكتى اتقارۋشى ورگاندار توتەنشە جاعدايعا تويتارىس بەرۋدىڭ بارلىق امالدارىن جاساپ جاتىر. دەگەنمەن، ازاماتتىق قوعام دا ەنجار قالماي، زارداپ شەككەن جاندارعا بارىنشا قولداۋ بىلدىرۋدە.

جينالعان قاراجات «تازا قالا اتباسار» قوعامدىق بىرلەستىگىنىڭ شوتىنا اۋدارىلدى.