بىرنەشە دەپۋتاتتار زارداپ شەگىپ، وقيعاعا پوليسيا قىزمەتكەرلەرى ارالاسۋعا ءماجبۇر بولدى، دەپ حابارلايدى ەحو موسكۆى باسىلىمى. مالىمەتتىڭ قازاقشا نۇسقاسىن قامشى اقپاراتتىق اگەنتتىگى وقىرمان نازارىنا ۇسىنادى.
«بىرەگەي ماكەدونيا» قوزعالىسىنىڭ ءبىر توپ بەلسەندىسى پرەزيدەنتكە قارسىلىعىن ءبىلدىرىپ، زاڭنامالىق عيماراتقا باسا-كوكتەپ كىرگەن. ولاردىڭ مۇنداي ىس-ارەكەتكە بارۋىنىڭ باستى سەبەبى – پارلامەنت سپيكەرى لاۋازىمىنا ەتنيكالىق البان ۇلتىنىڭ وكىلىن سايلاۋى. بۇلىك تۋعىزۋشىلار زاڭ شىعارۋشىلاردى ساتقىن دەپ ايىپتاپ، ولارعا ۇستەلدەردى لاقتىرىپ، كۇش كورسەتكەن. اتالمىش وقيعانىڭ سالدارىنان بىرنەشە دەپۋتاتتار زارداپ شەگىپ، اۋرۋحاناعا جەتكىزىلدى.
