اعىمداعى جىلى جامبىلدىقتارعا 480 پاتەرگە ارنالعان 6 كوپ پاتەرلى تۇرعىن ءۇي بەرىلەدى دەپ حابارلايدى قامشى اقپاراتتىق اگەنتتىگى strategy2050.kz باسىلىمىنا سىلتەمە جاساپ.

جاو (جەرگىلىكتى اتقارۋشى ورگاندار) جەلىسى بويىنشا «نۇرلى جول» باعدارلاماسى اياسىندا، تاراز قالاسىنىڭ «اراي» الابىندا 480 پاتەرگە ارنالعان 6 كوپپاتەرلى تۇرعىن ءۇيدىڭ قۇرىلىسى ءجۇرىپ جاتىر. ونىڭ بولجالدى اياقتالۋ مەرزىمى - اعىمداعى جىلدىڭ  ماۋسىم ايى.

وسى باعىت بويىنشا تۇرعىن ءۇي بانك سالىمشىلارى مەن جاو –دا كەزەكتە تۇرعاندارعا وتكىزىلەدى (50% / 50% باعىتى بويىنشا).

داۋىس بەرۋگە قاتىسۋعا ءوتىنىش بەرگەن اكىمدىكتە كەزەكتە تۇرعاندار سانى جەتپەگەن جاعدايدا، تۇرعىن ءۇي قتقجب سالىمشىلارى اراسىنان باسقا ءوتىنىش بەرۋشىلەر اراسىندا بولىنەدى.

قازىرگى تاڭدا، العاشقى 3 ءۇي بويىنشا داۋىس بەرۋ وتكىزىلىپ قويدى، پاتەرلەردى ساتىپ الۋشىلار پ ۇلى دا قۇرىلدى. قالعان 3 ءۇي بويىنشا وتىنىشتەردى قابىلداۋ 2017 جىلدىڭ ماۋسىم ايىندا جۇزەگە اسىرىلادى. اتالعان ۇيلەردىڭ 1ش. مەترى ءۇشىن باعا 116 مىڭ تەنگەنى قۇرايدى.

جاو ارقىلى كرەديتتىك تۇرعىن ءۇي باعىتى بويىنشا وسى شارشى مەترلەردى الۋعا قازاقستان رەسپۋبليكاسىنىڭ اۋماعىندا سوڭعى 5 جىلدا باسپاناسى بولماعان بانك سالىمشىلارى ، جاو–دا كەزەكتە تۇرعاندار تالاپتانا الادى. سونىمەن قاتار، كليەنت پاتەر العان ساتتە ونىڭ دەپوزيتىندە پاتەر باعاسىنىڭ 30%-نان كەم ەمەس سوماسى بولۋى كەرەكتىگىن  بىلگەنى ماڭىزدى. وسىنداي ۇيلەردى ساتىپ الۋ ءۇشىن تۇرعىن ءۇيدى تۇرعىن ءۇي قۇرىلىس جيناق بانكى جىلدىق 5 %-بەن بەرەدى.