قوعام قايراتكەرى، بەلگىلى اقىن ولجاس سۇلەيمەنوۆ ۇلى وتان سوعىسىنىڭ جەڭىپازدارىنا ارنالعان فورۋم كەزىندە ءسوز سويلەدى. قازاققا تانىمال اقىن ولجاس سۇلەيمەنوۆ ءۇشىنشى دۇنيەجۇزىلىك سوعىستىڭ بولاتىنىن ەسكەرتە كەلە، حالىقتى بىرلىككە شاقىردى دەپ حابارلايدى قامشى اقپاراتتىق اگەنتتىگى sputniknews.kz-كە سىلتەمە جاساپ.

«ۇلى وتان سوعىسى تاڭقالارلىق جانە ادام شوشىتارلىقتاي ناتيجە اكەلدى. بۇل ورتاق قايعىنى جاساۋعا ءبىزدىڭ باۋىرلاس حالىقتار دا ءوز ۇلەسىن قوسقان ەدى. ءبىز ءۇشىنشى دۇنيەجۇزىلىك سوعىستىڭ قارساڭىندا تۇرمىز. ءبىزدىڭ ءارقايسىسىمىز وسى تۋرالى حاباردار بولۋىمىز كەرەك. كەز-كەلگەن ساياسي قاتەلىك بىرلىگىمىزگە نۇقسان كەلتىرۋى مۇمكىن. ءبىز وسىنداي ماسقارا سوعىس قايتالانباسىن دەپ جەڭىس مەيرامىن تويلايمىز»-، دەدى ولجاس سۇلەيمەنوۆ استانا قالاسىنداعى ۇلى وتان سوعىسىنىڭ جەڭىمپازدارىنا ارنالعان فورۋمدا.

سونىمەن بىرگە اقىن سوعىس كەزىندە قازاق حالقىنىڭ قانداي ەرلىكتەرگە بارعاندىعىن  دا اتاپ ءوتتى. 300 مىڭنان استام قازاق باتىرلارى جاۋ وعىنا كەۋدەسىن توسىپ، ءوز ومىرلەرىن قۇربان ەتتى. ۇلى وتان سوعىسىنىڭ جەڭىمپازدارىنا ارنالعان حالىقارالىق فورۋم قازاقستاننىڭ استاناسىندا العاش رەت بولىپ وتىر.