بۇل وتباسىنى تالدىقورعانداعى قارابۇلاق اۋىلىنا الىپ كەلىپ، ولاردىڭ قۇجاتتارىن 60 000 تەڭگەگە «ەگەلەرىنە» ساتقان، دەپ حابارلايدى turmush.kg باسىلىمى. مالمەتتىڭ قازاقشا نۇسقاسىن قامشى اقپاراتتىق اگەنتتىگى وقىرمان نازارىنا ۇسىنادى.

قىرعىزستان پوليسياسىنىڭ ايتۋىنشا، 2006 جىلى قازاقستانعا 34 جاستاعى ايەل مەن ونىڭ 9 جاستاعى ۇلىن جانە ءبىر جاستاعى قىزىن ساتىپ جىبەرگەن ەكەن. دەرەكتەردە كورسەتىلگەندەي، ولاردى 60 مىڭ تەڭگەگە قۇلدىققا ساتقان.

قۇقىق قورعاۋ ورگاندارىنىڭ مالىمدەۋىنشە، 2006 جىلدىڭ مامىر ايىندا قىرعىزستان تۇرعىنى ايەلدىڭ سەنگىشتىگىن پايدالانىپ، ونى بالالارىمەن بىرگە قازاقستانعا الىپ كەلگەن.

تالدىقورعان وبلىسىنىڭ قارابۇلاق اۋىلىنا كەلىپ، كۇدىكتى قۇلدىققا ساتىلعان ادامداردىڭ قۇجاتتارىن 60 مىڭ تەڭگەگە ايىرباستاپتى.

اتالمىش وقيعانىڭ شىندىعى 11 جىلدان كەيىن بەلگىلى بولىپ وتىر.  بۇل ءىستى وش وبلىسىنىڭ ءىىب راستادى. اتالمىش وقيعاعا قاتىستى ماتەريالدار جيناقتالىپ، تەكسەرۋ جۇمىستارى جۇرگىزىلىپ جاتىر.

ايتا كەتەر بولساق، 26 ءساۋىر كۇنى قىلمىسكەر ءبىر بويجەتكەندى وعان ۇيلەنەمىن دەپ الداپ، 50 مىڭ تەڭگەگە سەكسۋالدى قۇلدىققا ساتىپ جىبەرمەك بولعان. استانا پوليسيا باسقارماسى بۇل وقيعانىڭ الدىن وراپ، ساتۋ ءىسىن بولدىرماعان.