وسىدان 16 جىل بۇرىن «بينگو شوۋ» باعدارلاماسىنان 25 ملن. رۋبل جەڭىپ العان جۇمىسسىز وتباسىنىڭ قازىرگى جاعدايىن كوز الدارىڭىزعا ەلەستەتىپ كورىڭىزدەر. جو-جوق، ءسىز قاتەلەستىڭىز. ولار ءقازىر ءسىز ەلەستەتكەندەي شالقىپ ءومىر ءسۇرىپ جاتقان جوق. 25 ملن. رۋبلدەن  قازىرگى ۋاقىتتا تۇك تە قالماعان.  بۇل قۋانىشتى جاڭالىقتى جولى بولعىش وتباسى بىرنەشە ايلاپ ەمەس، بىرنەشە جىل بويى تويلاعان دەپ حابارلايدى قامشى اقپاراتتىق اگەنتتىگى.

وسىنداي ۇلكەن كولەمدەگى اقشادان ەشكىم باس تارتپاسا دا، كوبىسى دۇرىس جۇمساي المايدى. ءسىزدىڭ قولىڭىزدا ميلليون دوللور بولسا قانداي جۇمسار ەدىڭىز؟ بىردەن پاتەر، كولىك، شەت ەلدەرگە ساياحات تۋرالى ويلاي باستايسىز.

ۇتىستىڭ يەسى نادەجدا مۋحامەتزيانوۆانىڭ كۇيەۋى 25 ملن. ءرۋبلدىڭ بارلىعى جۇمسالىپ كەتكەندىگىن راستاپ وتىر. ونىڭ ايەلى بىرنەشە جىل بۇرىن قايتىس بولىپ كەتكەن. قازىرگى كەزدە اكەسى مەن بالاسى ساتىپ الىنعان پاتەردى جالعا بەرىپ، كۇندەلىكتى قاجەتتىلىكتەرىن وتەپ  وتىر. بۇل وتباسىنىڭ جالعىز كۇنكورىسى.

«ءبىز دوستارىمىزعا كولىك سىيلادىق، قارىزعا اقشا بەردىك ناقتىلاپ ايتقاندا، اقشامىزدى وڭدى-سولدى شاشتىق. سوڭىندا ءوزىمىز اقشاسىز قالدىق»،- دەپ وكىنەدى مۋحامەتزيانوۆ.

بۇل وتباسى العاشىندا ميلليونەر بولدى، كەيىن كەدەي، جۇمىسسىز كۇندەرىنە قايتا ورالدى. بۇل ولاردىڭ ومىرىندەگى ۇلكەن قاتەلىك.

«اقشا بار دەپ ونى دالاعا شاشپاڭدار. ءوز بولاشاقتارىڭدى ويلاڭدار. ومىردە ءوز قالاعان ارماندارىڭدى ورىنداۋدان ارتىق ەشتەڭە جوق»،- دەپ كەڭەس بەرەدى مۋحاتمەتزيانوۆ.

دايىنداعان: اسەل وتەشوۆا