الماتىدا اشارشىلىق قۇرباندارىنا ارنالعان ەسكەرتكىش اشىلماق

    Nurgali Nurtay
    الماتىدا اشارشىلىق قۇرباندارىنا ارنالعان ەسكەرتكىش اشىلماق

    بۇگىن الماتى قالاسىنىڭ اكىمى باۋىرجان بايبەك ءبىر توپ زيالى قاۋىم وكىلدەرىمەن بىرگە ەسكەرتكىشتىڭ جوباسىمەن تانىستى دەپ حابارلايدى قامشى اقپاراتتىق اگەنتتىگى. ايتا كەتەيىك، ەلباسى نۇرسۇلتان نازاربايەۆ 1931-1933 جىلدارداعى اشارشىلىق قۇرباندارىن ماڭگى ەستە ساقتاۋ ماقساتىندا الماتى اكىمىنە ەسكەرتكىش اشۋدى ارنايى تاپسىرعان بولاتىن.

     

    ەسكەرتكىش الماتى قالاسى، قابانباي باتىر مەن ناۋرىزباي باتىر كوشەلەرىنىڭ قيىلىسىنداعى ساياباقتا بوي كوتەرمەك. ەسكەرتكىشتىڭ اۆتورلارى: دۋلات ۇسەنبايەۆ، ايدوس بۇركىتبايەۆ جانە قانات بەگۋلييەۆ. 

     

    1992 جىلى وسى ورىنعا ەسكەرتكىش ورناتىلاتىنى تۋرالى بەلگىتاس قويىلعان بولاتىن. ەندىگى، ەسكەرتكىشتىڭ اشىلۋى 31 مامىر - ساياسي قۋعىن-سۇرگىن قۇرباندارىن ەسكە الۋ كۇنىنە جوسپارلانىپ وتىر. 

     

    تاريحقا ۇڭىلسەك، 1931-1933 جىلدارداعى جاپپاي اشارشىلىق سالدارىنان قازاق جەرىندە 2-3 ميلليونعا جۋىق ادام قۇربان بولىپ،  1،5 ميلليون ادام شەتەلگە بوستى. جالپى العاندا اشارشىلىقتىڭ قۇربانىنا اينالعاندار قازاق حالقىنىڭ 60-65 پايىزىن قامتىدى.  حالىقتىڭ كوپشىلىگى جۇڭگو، موڭعوليا، يران مەن اۋعانستانعا كوشۋگە ءماجبۇر بولدى.

     

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025