2017 جىلدىڭ 13 مامىرىنان 1 قازانىنا دەيىن «قازاقستان» سك جانە «الاي» سوسو اۆتوتۇراق الاڭدارىندا وڭىرلىك اۋىل شارۋاشىلىق جارمەڭكەلەرى وتەدى.
ەكسپو-2017 مامانداندىرىلعان كورمەسىن وتكىزۋ كەزەڭىندە ازىق-تۇلىك تاۋارلارىمەن قامتاماسىز ەتۋ ماقساتىندا وڭىرلىك اۋىل شارۋاشىلىق جارمەڭكەسىن وتكىزۋ جوسپارلانعان.
جارمەڭكەلەردى وتكىزۋ ورىندارى رەتىندە «قازاقستان» سك جانە «الاي» سوسو-نىڭ اۆتوتۇراق الاڭدارى بەلگىلەندى.
30 مىڭ توننادان استام ءونىم ۇسىنىلادى، ەڭ الدىمەن، جىلقى ەتى، سيىر ەتى، قۇس ەتى، ءسۇت ونىمدەرى، جارما تۇرلەرى، قانت، بال، بالىق جانە ت.ب.
سونداي-اق، كونسەرتتىك باعدارلاما ۇيىمداستىرىلادى، شارانىڭ مۋزىكالىق سۇيەمەلدەۋىن وبلىستاردىڭ شىعارماشىلىق ۇجىمدارى قامتاماسىز ەتەدى.
جارمەڭكە ەكى كۇن قاتارىنان وتكىزىلەدى، ەلوردا تۇرعىندارى مەن قوناقتارى ازىق-تۇلىك ونىمدەرىن نارىق باعاسىنان 15-20%-عا ارزانعا ساتىپ الا الادى.
2017 جىلدىڭ 13-14 مامىرىندا ءداستۇرلى وڭىرلىك جارمەڭكەلەر ماۋسىمىن اتىراۋ، باتىس قازاقستان جانە وڭتۇستىك قازاقستان وبلىستارى اشادى، ولان كەيىن كەستە بويىنشا وتكىزىلەدى (جارمەڭكەلەردىڭ كەستەسى تىركەلگەن).
ءۇش جارمەڭكەگە وبلىستاردىڭ بارلىق اۋداندارىنىڭ 190 وڭلەۋ كاسىپورنى مەن اۋىل شارۋاشىلىق قۇرىلىمدارى قاتىسادى. 300 توننا اۋىل شارۋاشىلىق ونىمدەرىن وتكىزۋ جوسپارلانىپ وتىر (اتىراۋ وبلىسى - 29 توننا، باتىس قازاقستان وبلىسى – 4 توننا، وڭتۇستىك قازاقستان وبلىسى - 265،5 توننا).
