146 جاستاعى يندونەزيالىق ەر ادام ورتالىق ياۆادا، ءوزى تۋىپ وسكەن اۋىلىندا قازا تاپتى، دەپ جازادى قامشى اقپاراتتىق اگەنتتىگى.

قۇجاتتارىنا سايكەس گحوتو اتا دەگەن اتپەن ايگىلى سوديمەدجو 1870 جىلدىڭ جەلتوقسانىندا دۇنيەگە كەلگەن. ال ءۇندىستاندا جاڭادان تۋعانداردى رەسمي تۇردە تىركەۋ تەك 1900 جىلداردان باستالعان. سول سەبەپتى كوبىسىنىڭ تۋعان جىلدارى قۇجاتتاردا قاتە كورسەتىلۋى مۇمكىن. بي-بي-سي باسىلىمىنىڭ حابارلاۋىنشا، جەرگىلىكتى بيلىك گحوتو اتانىڭ قۇجاتىنىڭ ءتۇپنۇسقا ەكەنىن مالىمدەدى.

دەنساۋلىعىنىڭ ناشارلاۋىنا بايلانىستى قارت كىسى 12 ساۋىردە اۋرۋحاناعا جاتقىزىلدى. 6 كۇن وتكەن سوڭ ءوز ءوتىنىشى بويىنشا ۇيىنە قايتتى.

«ۇيگە كەلگەن سوڭ جاعدايى ءماز بولمادى. بىر-ەكى قاسىق بوتقا جەپ، ازعانتاي عانا سۋ ىشە الاتىنداي جاعدايدا بولدى. ولەر كۇنى تاياعاندا تاماقتان مۇلدەم باس تارتتى»، دەدى ونىڭ نەمەرەسى سۋيانتو بي-بي-سي تىلشىسىنە.

ءتىلشى گحوتو اتامەن بىلتىر كەزدەسىپ، ۇزاق ءومىر ءسۇرۋىنىڭ قۇپياسىن سۇراعاندا، قاريا «ومىردەگى ەڭ باستى نارسە – سابىرلىق» دەپ جاۋاپ بەرگەن ەكەن.

«مەنى جاقسى كورەتىن ادامدار ماعان قامقور بولىپ، ءاردايىم جانىمنان تابىلعاندىقتان ۇزاق ءومىر ءسۇردىم» دەپ ءسوزىن تۇيىندەگەن قاريا.