عاشىقتاردىڭ بۇل قۋانىشىنا 20-دان استام تۇرعىندار ورتاقتاسقان بولاتىن. ۇي-كۇيسىز جۇرگەندەر نەكەلەرىن قيىرىپ، توي جاسادى دەپ جازادى قامشى اقپاراتتىق اگەنتتىگى life.ru-عا سىلتەمە جاساي وتىرىپ.

38 جاستاعى وكسانا مەن 45 جاستاعى يۋريي بىرنەشە اي بويى بىرگە ءومىر سۇرگەن. بۇل ەرەكشە جۇپ ورال قالاسىنداعى ۇي-كۇيسىزدەرگە ارنالعان ۋاقىتشا باسپانادا تانىسقان.   ەركىندىكتەن ايىرعان وسى ۋاقىتشا باسپانادا ولار بىرنەشە جىلدارىن بىرگە وتكىزدى. ولار ۇيلەرى مەن قۇجاتتارىن دا جوعالتىپ العان، ال تۋىستارى وسى قيىن ساتتە كومەك كورسەتپەگەن.  ۋاقىت وتە كەلە وكسانانى تۋىستارى ۇيىنە شاقىرسا دا، وكسانا يۋرييگە دەگەن ماحابباتى ءۇشىن باس تارتقان.

وسى ۋاقىتقا دەيىن يۋريي وكساناعا بىرنەشە سىيلىقتار جاساپ، قۋانتقان بولاتىن. تاڭعى اسقا جۇمىرتقا ءپىسىرىپ، ءوزى وياتادى، ويىنشىق تاۋىپ الىپ وكساناعا سىيلايدى. وسى سەكىلدى وقيعالاردان كەيىن وكسانانىڭ جۇرەگى ءجىبىپ، وعان دەگەن ەرەكشە سەزىم پايدا بولادى.  8-ناۋرىز مەرەكەسىندە يۋريي ءوز سۇيگەنىنە ۇسىنىس جاساپ، ونىڭ كەلىسىمىن الادى.

«ءبىز بىرگە تۇرعىمىز كەلەدى، ال بىزدەر تۇرىپ جاتقان ۋاقىتشا باسپانادا تويعا دەيىن بىرگە تۇرۋعا بولمايدى. ءبىز ءبىر-بىرىمىزدى جاقسى كورگەندىكتەن نەكە قيدىرۋدى ءجون ساناپ وتىرمىز. وكسانا - مەنىڭ ومىرىمدەگى ەڭ قىمبات جان»،- دەيدى يۋريي.

ۋاقىتشا باسپانانىڭ قىزمەتكەرلەرى عاشىقتاردىڭ قۇجاتتارىن قايتا جاساتقان. ولار نەكەلەرىن قيدىرىپ بولعان سوڭ، بىرگە قول ۇستاسىپ سەرۋەندەدى.  قوناقتاردىڭ قاتارىندا ءۇيسىز جۇرگەندەر، باسپانا قىزمەتكەرلەرى، ءتىپتى كىشكەنتاي  توراي دا بولدى. تورايدى حريۋشا دەپ اتايدى ەكەن. وكسانا مەن يۋريي حريۋشانى ءوز بالاسىنداي كورىپ، تاماقتاندىرۋدى ادەتكە اينالدىرعان.

ولار بۇل ايتۋلى كۇنى وتىرىس جاساپ، بي بيلەدى. وتىرىس كەزىندە ىشىمدىك قويىلماعان.  وزدەرى اڭگىمە دۇكەن قۇرىپ، بالالارعا ارنالعان الاڭدا سۋرەتكە ءتۇستى. سۋرەتتەرى دە تويلارى سەكىلدى ەرەكشە بولدى. ولاردىڭ بىر-بىرىنە دەگەن كوزقاراستان وزگەشە سەزىمنىڭ بارىن بايقايسىڭ.

 ولار ءۇشىن بۇل كۇن ەستەن كەتپەيتىن، ەرەكشە كۇن بولارى ءسوزسىز.  بۇل ءجيى بولا بەرمەيتىن تاڭقالارلىق وقيعا. ءبىراق ەڭ باستىسى ولار باقىتتى. ولار ءۇشىن وزگەلەردىڭ پىكىرى قىزىقتىرمايدى. بىرنەشە جىلدىق  قاتەلىكتەردەن كەيىنگى ەڭ  دۇرىس شەشىمدەرى دە وسى بولار.  عاشىقتاردىڭ ەندى كەزدە قورعانىشى، كەز-كەلگەن قيىندىقتا قولداي بىلەتىن سۇيىكتى ادامى بولادى. وسى شەشىمنەن كەيىن دە جىلداپ ىزدەپ، ارەڭ تاپقان تۋرا جولدارىنان اداسپاسا بولعانى.