بۇگىن ق ر ۇكىمەتى وتىرىسىندا ق ر پرەمەر-مينيسترى باقىتجان ساعىنتايەۆ 2017-2020 جىلدارعا ارنالعان قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتى تۇجىرىمداماسىنىڭ جوباسىن قاراۋ بارىسىندا رۋحاني-ادامگەرشىلىك تاربيە مەن قوعامدا حالىق اراسىندا راديكالدىق ءدىني يدەيالاردى تاراتۋعا جول بەرمەۋ جونىندەگى جۇمىستاردى جانداندىرۋدى تاپسىردى.
مەملەكەت باسشىسى قازاقستان مۇسىلماندارى ءدىني باسقارماسىنىڭ وكىلدەرىمەن جاقىندا وتكەن كەزدەسۋدە جاس بۋىننىڭ ءدىني بىلىمسىزدىگىنە ەرەكشە نازار اۋداردى، دەپ اتاپ ءوتتى باقىتجان ساعىنتايەۆ.
ق ر پرەمەر-مينيسترى قازاقستاننىڭ پوليكونفەسسيالىق مەملەكەت ەكەنىن جانە ەلىمىزدە ءدىن سالاسىنىڭ ماسەلەلەرىنە باسا نازار اۋدارىلاتىنىن ايتتى. 2017-2020 جىلدارعا ارنالعان ءدىن سالاسىنداعى مەملەكەتتىك ساياسات تۇجىرىمداماسى قوعامدىق سانانىڭ جانە جالپى قوعامنىڭ تۇراقتى ءارى ۇيلەسىمدى دامۋىن قامتاماسىز ەتۋى ءتيىس.
وسىعان وراي ق ر ءدىن ىستەرى جانە ازاماتتىق قوعام مينيسترلىگىنە وڭىرلەرمەن بىرلەسىپ، رۋحاني-ادامگەرشىلىك تاربيە مەن قوعامدا راديكالدىق ءدىني يدەيالاردى تاراتۋعا جول بەرمەۋ جونىندەگى جۇمىستاردى جانداندىرۋ قاجەت. بۇدان وزگە، اتالعان سالادا دۇرىس تاربيەلىك ءارى اعارتۋشىلىق جۇمىستاردى بىرلەسىپ اتقارىپ، كونفەسسيالار اراسىنداعى كەلىسىمدى نىعايتۋعا كۇش سالۋ كەرەك.
ق ر پرەمەر-مينيسترى «قۇدايدى ءوز جۇرەكتەرىڭىزدەن ىزدەڭىزدەر، ونى باسقا ەش جەردەن تاپپايسىزدار» دەگەن دانالىق ءسوزدى ەسكە ءتۇسىرىپ ءوتتى. سول سەبەپتى دە، اتالعان جۇمىستى جۇرگىزە وتىرىپ، قوعامنىڭ باستى مىندەتى اركىمنىڭ جۇرەگىنە وسى تۇسىنىكتى جەتكىزۋ بولىپ تابىلادى.
