جەڭىستىڭ 72 جىلدىق مەرەكەسىنە وراي ەلىمىزدىڭ ءار ايماعى سوعىس ارداگەرلەرى مەن تىلدا ەڭبەك ەتكەن قاريالارعا ءتۇرلى سىي-سىياپات ازىرلەنۋدە. شىعىس قازاقستان وبلىسى اكىمدىگى ارداگەرلەرگە جارتى ميلليون تەڭگەدەن تابىستاماق. ال استانا مەن الماتى بيلىگى قالا قازىناسىنان سوعىسقا قاتىسقان ءار قارياعا 150 مىڭ تەڭگەدەن بولگەن. بۇل تۋرالى 31 ارنا جاڭالىقتارى حابارلايدى.
جامبىل، پاۆلودار جانە قاراعاندى وبلىسىندا تۇراتىن سوعىس ارداگەرلەرى مەن مۇگەدەكتەرى 150 مىڭ تەڭگەدەن الادى. اقتوبەلىك ارداگەرلەرگە 100 مىڭ تەڭگە بەرىلسە، قىزىلوردالىق قاريالارعا 180 مىڭ تەڭگەدەن استام وتەماقى بەرىلمەك. سولتۇستىك قازاقستاندىق سوعىس ارداگەرلەرى ءبىر رەتتىك تولەم رەتىندە 226 مىڭ تەڭگە الادى.
