پەتروپاۆلدا جانتۇرشىگەرلىك ءولىم ورىن الدى. وتكەن سەنبىدە پەتروپاۆلدىڭ چەرەمۋشكي اۋدانىندا جول ۇستىندە پىشاق جاراقاتىنان قازا تاپقان ەر ادامنىڭ ءمايىتى تابىلعان دەپ حابارلادى Tengrinews.kz سايتى پەتروپاۆلوۆسك.kz پورتالىنا سىلتەمە جاساپ. 

 باسىلىمنىڭ مالىمەتىنشە، جاستارى 35-كە دە تولماعان جىگىتتەردىڭ اراسىندا قىز ءۇشىن جانجال تۋىنداعان. جىگىتتەردىڭ ءبىرى ءوزى سۇيگەن قىزىن تانىسىنان قىزعانىپ، سول اۋىلدان كولىكپەن كەلىپ، قارسىلاسىمەن ەرەگەسكەن. دەرەكتەرگى سۇيەنسەك، ەكى جىگىت تە ىشكەن كورىنەدى. جانجال سوڭى قايعىلى اياقتالعان. قىزىن قىزعانعان جىگىتتىڭ جۇرەك تۇسىنا پىشاق قادالعان.

قىلمىسكەر ونىڭ قانسىراعان دەنەسىن اۋىلداعى كوشەلەردىڭ بىرىنە لاقتىرىپ كەتىپ، قازا تاپقان ادامنىڭ كولىگىن جۇرگىزىپ كەتكەن. كەيىنىرەك ول ءوزىنىڭ نە ىستەگەنىن ءتۇسىنىپ، كولىكتى نوۆوپالوۆكا اۋدانىندا تاستاپ كەتكەن. قازا تاپقان ەر ادامنىڭ تەلەفونىمەن قالاعا اۆتوبۋسپەن كەتپەكشى بولعان. ول ۋاقىتتىڭ ىشىندە پوليسەيلەر كۇدىكتىنىڭ ىزىنە ءتۇسىپ، ونى ۇستاپ ۇلگەرگەن. وزگە مالىمەتتەر ازىرگە بەلگىسىز.