2017 جىلدىڭ 7 مامىرىنان باستاپ، ەلىمىزدىڭ بەس قالاسىندا (استانا، الماتى،         شىمكەنت،  اقتوبە،     قاراعاندى)            «قازاقستان» تەلەراديوكورپوراسياسىنىڭ  تاپسىرىسىمەن تۇسىرىلگەن «الجير» كوركەم ءفيلمىنىڭ پرەمەرالىق     كورسەتىلىمى         باستالادى دەپ حابارلايدى قامشى اقپاراتتىق اگەنتتىگى. 
        تۋىندىدا «حالىق جاۋى» اتانعان ەل جايساڭدارىنىڭ جۇبايلارى مەن بالالارىنىڭ «الجير» لاگەرىندە اجالمەن ارپالىسىپ وتكەن ءومىرى، تاۋقىمەتتى تاعدىرى باياندالادى. 

ءفيلمنىڭ باس كەيىپكەرلەرىنىڭ ءبىرى،  سۆەتا ەسىمدى بويجەتكەن اجەسىنىڭ سوڭعى اماناتىن ورىنداۋ ءۇشىن، رەسەيدەن استاناعا اتتانادى. ونىڭ قولىندا، اجەسىنىڭ وسى لاگەردە باسىنان  وتكىزگەن وقيعالارى جايلى جازىلعان ەسكى كۇندەلىگى ساقتالعان.  سۆەتانىڭ  ماقساتى - قىلىشىنان قان تامعان سۇراپىل «قىزىل تەررور» جىلدارى اناسى مەن اجەسىن اشتىق پەن اجالدان، قيىن جاعدايدا قاراماستان،  قورىقپاي امان الىپ قالعان، ءاليحان ەسىمدى قازاق جاۋىنگەرىن       ىزدەپ          تابۋ. ول كىسى بۇگىنگى كۇنى جاسى توقساننان اسقان اۋىل اقساقالى. سۆەتا مەن قارت ءاليحان  بۇكىل فيلم بويى ازاپتا وتكەن سوناۋ سۇراپىل جىلداردى ەسكە الىپ، قايتادان سول كەزدەرگە ورالعانداي بولادى. 

ساياسي قۋعىن-سۇرگىن قۇرباندارىنىڭ  80 جىلدىعىنا وراي تۇسىرىلگەن ءفيلمنىڭ قويۋشى-رەجيسسەرى ءانۋار رايبايەۆ، رولدەردى سومداعان:  قوبىلاندى بولات،  التىناي نوگەربەك،         اننا ستارچەنكو جانە  ت.ب

پرەمەرالىق كورسەتىلىمدەر وتەتىن «Kinopark» جەلىلەرى:
اقتوبە - Kinopark 7 «Keryencity»
شىمكەنت – Kinopark 5، «Mega»
الماتى – «سپۋتنيك»، «سارىارقا»، «Esentai Mall»
استانا – «كەرۋەن»، «مەگا سيتي»، «سارىارقا»

قاراعاندى – «City Mall». Kinoplexx