استانا قالاسىنىڭ اۋەجايىندا اۋعانستاننىڭ قازاقستانداعى بۇرىنعى ەلشىسى موحامماد فارۋكا باراكي قىزمەتتىلىك وكىلەتتىگى  اياقتالعان سوڭ كابۋلگە قايتپاقشى بولعان كەزدە قاماۋعا الىندى دەپ حابارلايدى قامشى اقپاراتتىق اگەنتتىگى afghanistan.ru-عا سىلتەمە جاساي وتىرىپ.

ەسكە سالا كەتەتىن بولساق، اۋعانستاننىڭ قازاقستانداعى ەلشىسى بولىپ ۇلتتىق اسكەردىڭ بۇرىنعى باسشىسى كادام شاح شاحيم تاعايىندالدى.

موحامماد فارۋك باراكي ءوز ەلىنە قايتار كەزدە جايسىز وقيعاعا تاپ بولعان. كەدەنشىلەرىنىڭ ديپلوماتتىڭ باگاجى تۋرالى سۇراعىنا ويلانباستان «وندا بومبا بار»،- دەپ جاۋاپ بەرگەن. ويلانباي ايتقان جاۋابى ونىڭ تۇتقىندالۋىنا سەبەپ بولدى. اۋەجايداعى ەسىكتەر جابىلىپ، ارنايى بولىمنەن 100 جاۋىنگەر شاقىرتىلدى. 3 ساعات بويى تۇتقىندا بولعان ديپلومات قازاقستان ءسىم رۇقسات ەتكەننەن كەيىن عانا ساپارىن جالعاستىردى.  باراكي بۇل جاۋاپتى كەدەنشىلەر بىرنەشە رەت سۇراق قويعاندىقتان ءازىل رەتىندە ايتقانىن جەتكىزدى.

بولعان جاعدايعا بايلانىستى اۋعانستاننىڭ سىرقى ىستەر مينيسترلىگى ازىرگە ەشقانداي تۇسىنىكتەمە بەرگەن جوق.