الەمدىك مەتەورولوگيالىق ۇيىم مۇشەلەرى جەر شارىنىڭ  كليماتتىق وزگەرىستەرىنە بايلانىستى جىلدىق ەسەپتى جاريالادى دەپ حابارلايدى قامشى اقپاراتتىق اگەنتتىگى onlyhotnews.ru-عا سىلتەمە جاساي وتىرىپ. ولار جاقىن ارادا جەر شارىنىڭ كليماتى اسا ءقاۋىپتى وزگەرىسكە ۇشىرايتىندىعىن ەسكەرتەدى.  زەرتتەۋشىلەردىڭ ەسەبىنە سايكەس 2016 جىل  ەڭ جىلى ۋاقىت جانە 2015 جىلعا قاراعاندا تەمپەراتۋرا 1،1 °C-قا كوتەرىلگەن.  جاريالانعان جىلدىق ەسەپكە سايكەس  2001 جىلدان باستاپ جىل سايىن 1 گرادۋسقا كوتەرىلىپ وتىرعان. بۇل جەر شارىنىڭ تەمپەراتۋراسىنىڭ جىل سايىن ءوسىپ كەلە جاتىرعانىن بىلدىرەدى. بىرنەشە جىلدان كەيىن وسىلاي جالعاسا بەرەتىن بولسا جەر عالامشارىنىڭ تەمپەراتۋراسى ادام سەنگىسىزدەي ىستىق بولۋى مۇمكىن.

«تەڭىزدەردەگى ورتاشا تەمپەراتۋراسى جىل سايىن جاڭا كورسەتكىشتەر كورسەتىپ جاتىر.  تەڭىزدەردىڭ دەڭگەيى جوعارىلانعان سايىن اركتيكا مۇزدىعى  ورتاشا دەڭگەيدەن تومەندەپ بارادى.  اتموسفەرا جىل سايىن رەكورد جاڭارتۋدا. ادامداردىڭ ءتۇرلى  ىس-ارەكەتتەرى دە كليماتقا ءوز اسەرىن تيگىزىپ جاتىر»، -  دەيدى ۇيىم حاتشىسى  پەتري تاالاس.

كليماتولوگتار الدا بولاتىن كليماتتىق وزگەرىستەردىڭ بولاتىندىعىنا اسا سەنىمدى. برازيليادا قۇرعاقشىلىق، كانادادا ءورت، يتاليادا جەر سىلكىنىسى ءجيى بولىپ جاتىر. ال 2017 جىلى بۇدان دا قيىن وقيعالار بولاتىندىعىن ەسكەرتەدى.

زەرتتەۋشىلەردىڭ پىكىرىنشە، 2017 جىلى  تەمپەراتۋرانىڭ جوعارىلاۋىنا بايلانىستى اركتيكا مۇزدىعى ەرىپ، جەر شارىندا ۇلكەن اپات ورىن الۋى مۇمكىن.