ق ر ءبىلىم جانە عىلىم مينيسترلىگى العاش رەت اتا-انالاردىڭ جالپىۇلتتىق جينالىسى كۇنىن جاريالادى دەپ حابارلايدى قامشى اقپاراتتىق اگەنتتىگى ق ر بعم باسپا ءسوز قىزمەتىنە سىلتەمە جاساپ.  بۇل شارا زاماناۋي مەكتەپتەردىڭ جاي-كۇيىن ءتانىپ-بىلىپ، ونداعى شاكىرتتەردىڭ قالاي ءبىلىپ الىپ جاتقاندارىنا بەيجاي قارامايتىن قازاقستاندىق ءار وتباسىنى اينالىپ وتپەۋى قاجەت-اق.

اتا-انالاردىڭ كوبىسىنىڭ مەكتەپ جينالىستارىنا قاتىسپايتىنى جاسىرىن ەمەس. بۇل، ءوز كەزەگىندە، اتا-انالاردىڭ بالالارىنىڭ بولاشاعىنا نەمقۇرايلى قاراۋىنا اكەپ سوقتىرىپ جاتادى. سول سەبەپتى دە اتا-انالاردىڭ جالپىۇلتتىق جينالىسى كۇنىنە بارىنشا ءمان-ماعىنا بەرىپ، بۇل كۇنى بارلىق اتا-انا جاپپاي مەكتەپتەرگە كەلىپ، بالالارىنىڭ سىنىپتارىن ارالاپ، ولاردىڭ قالاي ساباق ءوتىپ جاتقاندارىن ءوز كوزدەرىمەن كورىپ، سىنىپ ەتەكشىلەرىمەن، مۇعالىمدەرىمەن، مەكتەپ باسشىلىعىمەن سويلەسىپ، پىكىرلەسۋلەرىنە جاعداي جاساۋعا تىرىسىپ وتىرمىز.    

بۇگىندە قازاقستاندىق ءبىلىم جۇيەسىندە كوپتەگەن وزگەرىس بار. ەلىمىزدىڭ بارلىق قالاسى مەن اۋىلدارىندا ءبىر مەزگىلدە وتكىزىلەتىن شارا بارىسىندا وسى ماسەلەلەر تۋرالى ءسوز بولادى. وسىعان وراي بالالاردىڭ ساپالى ءبىلىپ الىپ، ولاردىڭ باسەكەگە قابىلەتتى، بولاشاقتارى جارقىن بولۋلارى ءۇشىن جاڭارتىلعان مازمۇن ەنگىزىلىپ، ەلىمىزدىڭ مۇعالىمدەرى پەداگوگتاردىڭ بىلىكتىلىكتەرىن ارتتىرۋ باعدارلاماسى اياسىندا جاپپاي وقىتىلىپ جاتىر.  

بىلتىردان باستاپ 1-سىنىپتا وقۋشىلاردىڭ وقۋداعى جەتىستىكتەرىن شەكتەۋسىز باعالاۋ جۇيەسى ەنگىزىلدى. الداعى 1 قىركۇيەك – جاڭا وقۋ جىلىنان باستاپ جاڭارتىلعان باعدارلاما بويىنشا 1، 2، 5، 7-سىنىپ شاكىرتتەرى وقيتىن بولادى.

بيىل بالالار ۇبت-نى جاڭا فورمات بويىنشا تاپسىرادى. سونداي-اق قالا مەكتەپتەرى مەن اۋىل مەكتەپتەرىنىڭ ءبىلىم ساپاسىنىڭ اجىراۋىن بولدىرماۋ ءۇشىن ق ر بعم اۋقىمدى جۇمىستار جۇرگىزىپ جاتىر. «بارشاعا تەگىن كاسىپتىك ءبىلىم» باعدارلاماسى باستاۋ الدى.

  اتا-انالار جينالىسىندا مەكتەپ اكىمشىلىگى قامقورشىلار كەڭەسىنىڭ جۇمىسىن، كەڭەستىڭ قۇقىعى مەن مىندەتتەرىن، قاعيداسى مەن قىزمەت تەتىگىن تالقىلاماق. وسى جانە باسقا دا ماڭىزدى سۇراقتارعا جاۋاپتى اتا-انالار جينالىسىنان بىلۋلەرىڭىزگە بولادى.    

قۇرمەتتى اتا-انالار، بۇل كۇنى سىزدەر ءوز ەرىكتەرىڭىزبەن مەكتەپ كىتاپحانالارىنا كومەك قولىن سوزۋلارىڭىزعا دا بولادى. وقۋعا پايدالى دەگەن كىتاپتارىڭىزدى وزدەرىڭىزبەن بىرگە اكەلىپ، مەكتەپ كىتاپحانالارىنا وتكىزسەڭىزدەر، بۇل دا ءبىر جارقىن ءىس بولارى ءسوزسىز. ويتكەنى، بۇل جەردە ءسىز بەن ءبىزدىڭ بالالارىمىزدىڭ ءبىلىمى مەن بولاشاعى تۇرعانىن ۇمىتپايىق.

ال ءبىزدىڭ بولاشاعىمىز – بالالار!