قىرعىزستاننىڭ  ۇلتتىق بانكىنىڭ باسشىسى تولكۋنبەك ابدىگۋلوۆ ماريحۋانانى زاڭداستىرۋ ارقىلى ەلدەگى تۋريزم سالاسىن دامىتۋعا بولادى دەپ ۇسىنىس جاسادى دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساپ.

قىرعىزستاندىق بانكير تۇركيا ەلىنىڭ تۋريزمدىك دامۋىن قىرعىزستانمەن سالىستىردى. ونىڭ ايتۋىنشا، قىرعىزدار ىستىق كولگە قاراعاندا تۇركياعا ءجيى بارادى ەكەن.

«ستامبۋلعا 6 كۇن قىدىرۋىڭ مەن ۋاقىتىلى تاماقتانۋدى قوسقاندا بارىپ-كەلۋ بيلەتىڭ 300 دوللار قۇرايدى. سىزدەر قاي ەلمەن باسەكەگە تۇسپەكسىزدەر؟  وسى سەكىلدى ەرەكشەلىك بولۋ كەرەك. ەلىمىزدىڭ تۋريستتىك سالاسىن قالاي دامىتامىز؟ مەن تۋريستتەردى قالاي تارتۋ كەرەك ەكەنىن بىلەمىن. ماريحۋانانى زاڭداستىرۋ كەرەك. باسقا ەشتەڭە ىستەۋدىڭ قاجەتى جوق. قىرۋار اقشا، كوپتەگەن تۋريستتەر كەلەدى. بۇكىل تمد ەلدەرى وسىندا اعىلادى. قوناق ۇيلەردە ورىن قالمايدى. مىنە وسىنداي ەرەكشەلىك كەرەك»، - دەيدى ابدىگۋلوۆ.

بۇل بانكيردىڭ ازىلدەگەنى مە، الدە شىن ءسوزى مە ازىرگە بەلگىسىز. 

تۋريزم سالاسى قازاقستاندا دا اقساپ تۇر. بىزدە ەكولوگيانى جاقسارتۋ ارقىلى ەكولوگيالىق ءتۋريزمدى دامىتىپ جاتىر.