پاۆلودار قالاسىنداعى «يربيس» تەلەارناسى قازاقستاندا ارنايى بەلگىلەنگەن جەڭىس لەنتاسىن مويىندامادى دەپ حابارلايدى قامشى اقپاراتتىق اگەنتتىگى. ايتا كەتەتىن بولساق ەلىمىزدە 2015 جىلى ارنايى جەڭىس لەنتاسى جاسالدى. ول ءوزىمىزدىڭ تۋىمىزدىڭ تۇسىمەن بىردەي، قازاقى ناقىشتالعان لەنتا ەدى.  بۇل لەنتانى جەڭىس مەيرامى قارساڭىندا بارلىق قازاق تاعىپ ءجۇرۋى ءتيىس بولاتىن. الايدا  «يربيس» تەلەارناسىنىڭ قىزمەتكەرلەرى ءالى كۇنگە دەيىن قوڭىر-سارى تۇستەس «گەورگيي لەنتاسىن»  تاعىپ ءجۇر. بۇل ءوز ەلىمىزدىڭ ارنايى جاسالعان لەنتاسىن مويىنداماۋ ما الدە مەنسىنبەۋ مە؟

تۇرعىنداردىڭ ايتۋى بويىنشا، پاۆلودار قالاسىندا «جەڭىس لەنتاسى» تەگىن تاراتىلۋدىڭ ورنىنا، ساتىلىمعا شىعادى ەكەن. جەكە لەنتا - 150 تەڭگە، دوڭگەلەك بەلگىشەسى بار لەنتا - 350 تەڭگە تۇرادى. 

2016 جىلى دا ولار جەڭىس لەنتاسىن تاقپاعان ەدى. ولاردىڭ بۇل ارەكەتى حالىقتىڭ اشۋىن تۋعىزدى. ورىستاردىڭ يدەولوگياسىنان قۇتىلۋ ءۇشىن وزىندىك ەرەكشەلىكپەن «جەڭىس لەنتاسىن»  جاساپ شىعارعانبىز. ال بۇل قىزمەتكەرلەر ءالى كۇنگە دەيىن رەسەي لەنتاسىن تاعىپ، ەش قىسىلماي ەفيرگە شىعىپ ءجۇر. سونىمەن بىرگە بۇل تەلەارنا ورىس تىلىندە جۇرگىزىلەدى. ءبىراق باعدارلاما قاي تىلدە جۇرگىزىلسە دە، تەلەارنا قازاقستاندا ورنالاسقاندىقتان ءوز ەلىمىزدىڭ زاڭدىلىقتارىن ورىنداۋعا مىندەتتى.  وسىعان بايلانىستى ازىرگە ەشقانداي شارا قولدانىلىپ جاتقان جوق. بۇل ىس-ارەكەتتەرى ولاردىڭ قازاق ۇلتىنا دەگەن مەنسىنبەۋشىلىگىن بىلدىرەدى.